Sport

Benzema: “Ronaldo? Nuk kemi nevojë të bëjmë foto për të thënë se jemi miq”...

Sulmuesi francez shpreson ta shohë të dielën CR7 në stadium...

15 Janar 2023, 09:23 Nga DOSJA
Benzema: “Ronaldo? Nuk kemi nevojë të bëjmë foto

ARABIA SAUDITE - Cristiano Ronaldo ka vizituar dje skuadrën e Real Madridit, me rastin e vizitës së klubit ‘los blancos’ në Riad, për të luajtur në Superkupën e Spanjës. Ndërkohë ai ka biseduar dhe ka bërë foto me disa nga ish-kolegët e tij, madje edhe me Carlo Ancelottin, trajnerin që e shoqëroi atë kur vizitoi klubi.

Mirëpo, kishte edhe të njohur të tjerë të vjetër, me të cilët CR7 nuk bëri fotografi, si Karim Benzema. Kjo mungesë rezultoi të jetë objekt bisede në konferencën për shtyp të së shtunës, por sulmuesi francez e zhvlerësoi këtë episod dhe bëri të qartë se miqësia nuk matet me postimet në rrjetet sociale.

"Nuk kemi nevojë të bëjmë fotografi për të thënë se jemi miq. Fotot janë për Instagram ose Twitter, kjo është një botë tjetër. Nuk patëm kohë të përshëndesnim, sepse unë isha duke u stërvitur dhe më pas po stërvitej ai. Shpresoj shihemi në stadium dhe bisedojmë pak me të”,- ka thënë sulmuesi francez, në premierën e duelit me Barcelonën, që do të luhet në orën 20:00 të së dielës.

B.T (Dosja.al)

Sondazh

Poll

MË SHUMË