Sport

Ministria e Brendshme: Do të ndalohen për dy muaj të udhëtojnë në transferta tifozët e Napolit dhe Romës! (video)

Pas përleshjeve të dhunshme javën e kaluar, tifozëve të Napolit dhe Romës u ndalohet udhëtimi për dy muaj, njoftoi të shtunën Ministria e Brendshme italiane. Shikojini përleshjet e dhunshme...

14 Janar 2023, 19:49 Nga DOSJA

Ministria e Brendshme: Do të ndalohen për dy muaj të

ITALI - Ministri i Brendshëm italian Matteo Piantedosi, të shtunën ndaloi udhëtimin e tifozëve të Napolit dhe Romës "për dy muaj". Ultrasit nga të dy klubet, bënë kërdinë në përleshjet midis tyre në një autostradë kryesore italiane të dielën e kaluar, pasi kaluan shtigjet në një pikë karburanti në Toskanë.

Napolitanët udhëtuan drejt Genovas për të mbështetur skuadrën e tyre, ndërsa ata nga Romës ishin rrugës për në Milano, ku verdhekuqtë u përballën me AC Milan. Dhjetra tifozë kishin luftuar ndërmjet tyre me fishekzjarre, rripa dhe shkopinj bejsbolli. 

Sipas policisë, të cituar nga mediat italiane, këto përplasje kishin sjellë bllokimin e autostradës për 50 minuta, duke krijuar deri në 15 km bllokim trafiku.

Të hënën e kaluar, Napoli, kryesues i Serisë A, kishte dënuar “me forcë sjelljen e disa të ashtuquajturve tifozë, të cilët, për fat të keq, ende ndjekin ndeshjet në Itali” dhe bëri thirrje për masa “drastike dhe efektive”.

B.T (Dosja.al)

Sondazh

Poll

MË SHUMË