Bota

Trazirat në Brazil/ Gjykata e Lartë heton Bolsonaron për sulmin ndaj zyrave institucionale

Kjo lëvizje vjen disa ditë pasi Bolsonaro postoi një video duke vënë në dyshim legjitimitetin e zgjedhjeve presidenciale të tetorit. Prokurorët thanë se Bolsonaro mund të ketë nxitur një krim duke bërë pretendime të tilla.

14 Janar 2023, 08:11 Nga A.B
Trazirat në Brazil/ Gjykata e Lartë heton Bolsonaron për sulmin
Jair Bolsonaro

BRAZIL- Gjykata e Lartë e Brazilit ka vendosur të përfshijë ish-presidentin Jair Bolsonaro në mesin e të dyshuarve për sulmin ndaj ndërtesave institucionale të kryera nga mbështetësit e tij më 8 janar.

Kjo vjen disa ditë pasi Bolsonaro postoi një video duke vënë në dyshim legjitimitetin e zgjedhjeve presidenciale të tetorit. Prokurorët thanë se Bolsonaro mund të ketë nxitur një krim duke bërë pretendime të tilla.

Ata i kërkuan Gjykatës së Lartë të premten përfshirjen e ish-presidentit në hetim. Videoja e Bolsonaro pretendonte se presidenti Luiz Inácio Lula da Silva nuk u votua në detyrë, por u zgjodh nga Gjykata e Lartë dhe autoriteti zgjedhor i Brazilit, raporton BBC.

Duke vënë në pikëpyetje votën "Bolsonaro do të kishte nxitur publikisht kryerjen e një krimi", tha zyra e prokurorit të përgjithshëm (PGR) në një deklaratë. Ndërsa videoja u postua pas trazirave të së dielës dhe u fshi më vonë, zyra e prokurorit të përgjithshëm argumentoi se përmbajtja e saj ishte e mjaftueshme për të justifikuar hetimin paraprak të sjelljes së zotit Bolsonaro.

Gjykatësi i Gjykatës së Lartë, Alexandre de Moraes, njoftoi se Bolsonaro do të përfshihej në hetim për atë që PGR tha se ishte "nxitja dhe autorësia intelektuale" e trazirave.

"Figurat publike që vazhdojnë të komplotojnë frikacakisht kundër demokracisë duke u përpjekur të vendosin një gjendje përjashtimi do të mbahen përgjegjës," tha Justice de Moraes.

Mijëra mbështetës radikalë të Bolsonaros, të cilët vazhdojnë të pretendojnë se zgjedhjet ishin të manipuluara, sulmuan Gjykatën e Lartë të vendit, Kongresin dhe pallatin presidencial të dielën.

jair bolsonaro

Sondazh

Poll

MË SHUMË