Aktualitet

I cilësuar si restoranti më i mirë në botë, restoranti “Noma” i shqiptarit Rene Rexhepit mbyll dyert

Shkak është bërë ritmi i lartë i punës dhe kostot e papërballueshme. Rene Rexhepi mendon se duhet të riorganizojë hapësirën e punës si edhe stafin.

10 Janar 2023, 17:17 Nga I.A
I cilësuar si restoranti më i mirë në botë, restoranti
Rene Rexhepi

DANIMARKË- Rene Rexhepi, shefi shqiptar më i famshëm në botë, ka njoftuar se së shpejti restoranti i tij Noma do të mbyllet. Noma, i cili gjendet në Kopenhagen, u kthye në simbol të gastronomisë botërore kur për disa vjet u votua si restoranti më i mirë në botë. Por, shefi i tij, Rene Rexhepi, thotë se ky është viti i fundit i punës, pasi në vitin 2024, Noma do t’u thotë “lamtumirë” klientëve. Shkak është bërë ritmi i lartë i punës dhe kostot e papërballueshme. Rene Rexhepi mendon se duhet të riorganizojë hapësirën e punës si edhe stafin.

“Nuk është i përballueshëm. Sektori duhet riparë”, është shprehur Rexhepi, duke shpresuar që pas disa vjetësh të mund të rikthehet përsëri.

Rene Rexhepi është me origjinë nga shqiptarët e Maqedonisë së Veriut. Ai u bë i famshëm për menutë e tij stinore, të cilat u jepnin vlerë produkteve 100% skandinave, duke filluar nga mishi i drerit me likene e deri te karkalecat e zinj të ujërave të akullta të Detit të Veriut. Noma ka kryesuar vazhdimisht listat e restoranteve më të mira në botë dhe krijuesi i saj, René Rexhepi, është vlerësuar si kuzhinieri më i shkëlqyer dhe më me ndikim i epokës së tij. Megjithatë, Rexhepi ka thënë për New York Times se restoranti do të mbyllet për shërbim të rregullt në fund të vitit 2024.

“Noma do të bëhet një laborator ushqimor me kohë të plotë, duke zhvilluar pjata dhe produkte të reja për funksionimin e saj të tregtisë elektronike, Noma Projects, dhe dhomat e ngrënies do të jenë të hapura vetëm për pop-up-et periodike. Roli i tij do të bëhet diçka më afër shefit krijues sesa shefit të kuzhinës”, shpjegon Rexhepi.

rene rexhepi noma

Sondazh

Poll

MË SHUMË