Bota

Kolumbia pezullon armëpushimin me rebelët komunistë

Armëpushimi ishte një propozim për t’i diskutuar në negocjata paqeje me qeverinë dhe jo me kohë të limituar përgjigjeje.

4 Janar 2023, 20:36 Nga A.B
Kolumbia pezullon armëpushimin me rebelët komunistë
Konferenca

KOLUMBI- Autoritetet në Kolumbi kanë shpallur sot pezullimin e armëpushimit me grupin e majtë rebel “Ushtria Kombëtare e Çlirimit” të njohur ndryshe si ELN, me argumentin se refuzojnë të ulin armët.

Ndryshimi i papritur masës vjen vetëm disa ditë pas njoftimit të saj fillestar dhe rrëzon planet e paqes së pretenduara nga presidenti Gustavo Petro, për konfliktin e vjetër që ka shkaktuar qindra-mijëra viktima. Petro, edhe vetë një ish rebel, njoftoi armëpushimin gjashtëmujor ditën e fundit të 2022, duke përfshirë grupe rebele ose kriminale si ‘Clan del Golfo’ dhe grupe anti-qeveritare të drejtuara nga ish-drejtuesit e rebelëve FARC.

Ministri i brendshëm Kolumbian Alfonso Prada tha se anullimi vjen pasi guerrilasit refuzuan paktin gjashtë-mujor.

“Duke parë refuzimin e djeshëm të ELN për armëpushimin bilateral, ne kemi vendosur të pezullojmë efektin e dekretit të 31 dhjetorit 2022 për armëpushimin.”

Armëpushimi ishte një propozim për t’i diskutuar në negocjata paqeje me qeverinë dhe jo me kohë të limituar përgjigjeje.

kolumbi

Sondazh

Poll