Aktualitet

I vrari dhe i plagosuri në Prizren u dërguan në Kukës, flet drejtori i spitalit: Njëri erdhi pa jetë, tjetrin e çuan në Tiranë, është jashtë rrezikut

Sulejman Sokoli tha se rreth orës 04:30 në spitalin e Kukësit është paraqitur një veturë për të kërkuar ndihmë, derisa shtoi se i ndjeri ka shkuar pa shenja jetë, ndërsa i plagosuri tjetër u dërgua për mjekim më të specializuar në spitalin e Tiranës.

3 Janar 2023, 18:37 Nga k.m.
I vrari dhe i plagosuri në Prizren u dërguan në Kukës, flet
Spitali i Kukësit

KUKËS- Detaje të reja janë zbuluar lidhur me gjendjen shëndetësore të të plagosurit Rufgen Shehu. Pas të shtënave me armë zjarri nga Dibran Hoxhaj, dy të lënduarit janë dërguar me urgjencë në spitalin e Kukësit, drejtori i të cilit ka dhënë detaje në emisionin “Frontal” të T7.

Sulejman Sokoli tha se rreth orës 04:30 në spitalin e Kukësit është paraqitur një veturë për të kërkuar ndihmë, derisa shtoi se i ndjeri ka shkuar pa shenja jetë, ndërsa i plagosuri tjetër u dërgua për mjekim më të specializuar në spitalin e Tiranës.

“Në orën 4:30 është paraqitur një makinë për të kërkuar ndihmë mjekësore, njëri është konstatuar i vdekur ndërsa tjetri ka ardhur i plagosur në këmbën e djathtë. Ai pas dhënies së ndihmës së parë, është dërguar në Tiranë… Është jashtë rrezikut për jetë… Viktima ka ardhë pa shenja jete, pastaj është njoftuar Policia dhe organet kompetente,”- tha Sokoli.

Dibran Hoxhaj nuk është një emër i panjohur për drejtësinë pasi ka qenë i dënuar më parë për trafik droge dhe përleshje fizike. Tre të rinjtë nga Kukësi nuk kanë qenë të armatosur, ndërsa pas sherrit janë qëlluar me armë nga Hoxhaj teksa kanë qenë duke u larguar me makinë. Sipas dëshmitarëve sherri nisi pas një fature të papaguar prej 400 eurosh. 

sulejman sokoli vrasje ne prizren

Sondazh

Poll

MË SHUMË