Politike

Dreka e demokratëve, Shehu: Pati diskutime për bashkimin e partisë, mungesa e Alibeajt nuk u komentua

Shehu tregoi se gjatë drekës pati diskutime për bashkimin e Partisë Demokratike, sipas tij jo në prizmin e diskutimeve formale, por në prizmin e diskutimeve dashamirëse mes kolegësh.

29 Dhjetor 2022, 11:36 Nga A.B
Dreka e demokratëve, Shehu: Pati diskutime për bashkimin e
Tritan Shehu

TIRANË- Deputeti i Partisë Demokratike Tritan Shehu me anë të një komunikimi në News24 ka folur në lidhje me drekën e mbajtur nga deputetët demokratë. Shehu tregoi se gjatë drekës pati diskutime për bashkimin e Partisë Demokratike, sipas tij jo në prizmin e diskutimeve formale, por në prizmin e diskutimeve dashamirëse mes kolegësh.

Sa i përket mungesës së kreut të deputetit Enkelejd Alibeaj, ai u shpreh se mungesa e tij nuk është diskutuar gjatë drekës së demokratëve.

“Të jesh në një drekë së bashku me kolegë është krejt normale dhe e konsideroj diçka të dobishme, aq më pak në një drekë punë ku feston dhe diskuton. Pati diskutime për bashkimin e Partisë Demokratike, jo në prizmin e diskutimeve formale, por në prizmin e diskutimeve dashamirëse mes kolegëve. Kur mblidhesh në atë mënyrë nuk mund të mungojnë diskutime të tilla. Personalisht në filozofinë time e shoh si diçka krejt normale, ishte një mbledhje miqësore. Pra unë e konsideroj si diçka pozitive. Unë nuk kam kërkuar shpjegim për mungesën e Alibeajt, nuk u përmend as u diskutua diçka e tillë, të gjithë kanë impenjimet dhe dëshirat e tij. Unë kam marrë një ftesë nga zoti Bardh Spahia për të qenë me disa aktivistë të PD-së”, tha ai.

dreka e demokrateve tritan shehu

Sondazh

Poll