Bota

Fshiu nga kompjuterët e punës të dhënat e trafikut të drogës, kryeinspektori në Britaninë e Madhe dënohet me 14 muaj burg

Gjykata e Newport Crown doli në përfundimin se Jones kërkoi të dhëna për çiftin dhe fëmijët e tyre dhe ia kaloi në mënyrë të paligjshme informacionin asaj.

26 Dhjetor 2022, 15:14 Nga a.l
Fshiu nga kompjuterët e punës të dhënat e trafikut të
Britani e Madhe

BRITANI E MADHE- Kryeinspektori Joseph Jones, 48 vjeç, nga Swansea është dënuar me 14 muaj burg pasi akuzohet se përdori sistemin kompjuterik të Policisë së Uellsit të Jugut për të marrë detaje konfidenciale të një çifti që ishin qiramarrës të gruas. Kelly Roberts e cila punonte si pastruese, i kishte thënë kryeinspektorit Jones se ajo ishte në mosmarrëveshje me çiftin dhe donte informacion për ta. Jones kishte krijuar një marrdhënie me Roberts përpara se të kryente krimin në bazën e të dhënave.

Gjykata e Newport Crown doli në përfundimin se Jones kërkoi të dhëna për çiftin dhe fëmijët e tyre dhe ia kaloi në mënyrë të paligjshme informacionin asaj. Por krimi i tij u zbulua kur ajo më vonë u përfshi në furnizimin me drogë të klasit A dhe ky i fundit u desh të ndërhynte në të dhënat kompjuterike për të zhdukur informacionet e siguruara, shkruan DailyMail. 

Gjatë intervistave nga Njësia Kundër Korrupsionit e Policisë së Uellsit të Jugut, Jones, i cili ishte i vendosur në stacionin e policisë Fairwater në Cardiff, këmbënguli se ai kishte akses në bazën e të dhënave vetëm për qëllime legjitime të policisë. Ai mohoi akuzën për sigurimin e aksesit të paautorizuar në materialin kompjuterik dhe gjithashtu u akuzua për gënjeshtra për të mbuluar gjurmët e tij./Dosja.al

joseph jones

Sondazh

Poll