Bota

DETAJE/ Arratisja e 7 të dënuarve në Milano, të burgosurit u vënë flakën qelive, 4 oficerë policie dërgohen në spital

Disa oficerë të Policisë së Burgjeve janë asfiksuar nga tymi. Katër u dërguan në spitalin e San Carlo ku raportohet se janë jashtë rrezikut për jetën.

26 Dhjetor 2022, 08:39 Nga a.l
DETAJE/ Arratisja e 7 të dënuarve në Milano, të burgosurit u
Itali

ITALI- Arratisjaa e shtatë të dënuarve ditën e Krishtlindjeve nga burgu në Milano 'Cesare Beccaria', ka shkaktuar revoltë te të burgosurit e tjerë që ndodhen në qelitë e këtij institucioni penal për të mitur. Të arratisurit janë të gjithë nga 17 deri në 18 vjeç, disa prej të cilëve janë me kombësi italiane. 

Tashmë të gjitha forcat e policisë janë vënë në alarm për kërkimin e tyre. Mediat italiane raportojnë se të dënuarit e tjerë protestuan duke i vënë zjarrin disa qelive, ngjarje që u vu në kontroll menjëherë me mbërritjen e zjarrfikësve.

Disa oficerë të Policisë së Burgjeve janë asfiksuar nga tymi. Katër u dërguan në spitalin e San Carlo dku raportohet se janë jashtë rrezikut për jetën. Sipas sekretarit të përgjithshëm të sindikatës Sappe, Donato Capece, ka pasur disa agjentë dhe të burgosur që vuanin nga konvulsione dhe të vjella pasi kishin thithur tymin nga dyshekët e djegur. Capece më pas theksoi se pas neutralizimit të situatës nëpër qeli, të gjithë agjentët në dispozicion u kthyen në shërbim në Beccaria. Sot drejtuesit e Departamentit të Drejtësisë për të Mitur të ministrisë Via Arenula do të jenë në Milano, në burgun Beccaria për të kuptuar se si ndodhi një arratisje e tillë. Drejtori i Përgjithshëm i Departamentit do të mbërrijë në Beccaria, Giuseppe Cacciapuoti./Dojsa.al

arratsien 7 te denuar ne milano

Sondazh

Poll

MË SHUMË