Aktualitet

"Më mohuan mbrojtjen"/ Kushtetuesja rrëzon ankimimin e të "fortit" të Myslim Shyrit, Gjergj Cukali

Sipas Cukalit, GJKKO i kishte mohuar të drejtën e mbrojtjes gjatë procesit gjyqësor. 

24 Dhjetor 2022, 14:21 Nga k.m.
"Më mohuan mbrojtjen"/ Kushtetuesja rrëzon ankimimin e
Gjergj Cukali

TIRANË- Gjykata Kushtetuese ka rrëzuar ankimin e Gjergj Cukalit kundër Gjykatës së Posaçme për Korrupsionin dhe Krimin e Organizuar. I njohur si i forti i ‘Myslym Shyrit’ kundërshtonte dërgimin e tij për gjykim mbi akuzat për grup kriminal dhe tentativën e vrasjes me eksploziv të Gjon Menës. Kjo pasi sipas Cukalit, GJKKO i kishte mohuar të drejtën e mbrojtjes gjatë procesit gjyqësor. 

"Vendimi i gjykatës së posaçme më ka mohuar të drejtën e mbrojtjes,"-ka bërë me dije pala mbrojtëse.

Edhe më herët, Cukali e ka mohuar të kishte lidhje me shënjestrën e këtij atentati, Gjon Mema. 

“Nuk kam fare lidhje me ngjarjen. Nuk e njoh Gjon Memën. Nuk e kam parë kurrë atë person,”- është shprehur Cukali.

Pjesë e dosjes janë edhe vëllezërit Enver dhe Edmond Jamaku, vrasës me pagesë të kthyer në bashkëpunëtor të drejtësisë. Ata janë të dyshuar për atentatin ndaj Gjon Menës më 9 shkurt në Kamëz. Enver Jamaku tha se Cukali i kishte premtuar 30 mijë euro në këmbim që t’i vendoste tritolin mjetit të Menës. Vëllezërit dhe Cukali janë nën akuzë për grup të strukturuar kriminal, vrasje e mbetur në tentativë, armëmbajtje e lëndë shpërthyese. Pas rrëfimeve të vëllezerve Jamaku u zbuluan edhe disa baza me armatime në Tiranë.

Gjergj Cukali, i njohur si i forti i “Myslym Shyrit’ dhe për përballjet që ka patur edhe më herët me drejtësinë, ka pretentuar se seancat e zhvilluara në Gjykatën e Posaçme janë ndërprerë disa herë për shkak të mungesës së mbrojtësve, duke i mohuar avokatëve të zgjedhur të drejtën për t’u njohur me aktet.

Megjithatë duket se edhe Gjykata Kushtetuese mendon njësoj pasi ka vendosur të rrëzojë kërkesën pasi nuk plotëson kriteret ligjore duke mos e kaluar për shqyrtim në seancë plenare.

gjergj cukali

Sondazh

Poll