Sport

Trajneri Unai Emery do të flasë me Emiliano Martinez për sjelljen e tij pas finales…

Trajneri i Aston Villas, tha të premten se do të fliste me portierin argjentinas të klubit të tij për festimet pas fitimit të Kupës së Botës.

23 Dhjetor 2022, 20:08 Nga DOSJA
Trajneri Unai Emery do të flasë me Emiliano Martinez për sjelljen

ANGLI - Pasi Argjentina fitoi Kupën e Botës të dielën e kaluar, Emiliano “Dibu”  Martinez u kthye në një personazh edhe jashtë fushës. Ai këndoi një këngë për Mbappé në dhomën e zhveshjes së ‘Albiceleste’ pas finales dhe mbante një kukull që mbante imazhin e sulmuesit francez gjatë paradës festive të argjentinasve në Buenos Aires. 

I mësuar me provokime, ai megjithatë do të ketë një diskutim të vogël me trajnerin e klubit të tij, Unai Emery, në kthimin e tij te Villans.

“Kur ndjen emocione të mëdha, është e vështirë ta kontrollosh veten. Unë do të flas me të javën e ardhshme për disa nga festimet e tij. Aty e respektoj, është në kombëtare. Por tani ai do të jetë me ne dhe do të jetë përgjegjësia jonë. Do të flasim për këtë”,- tha Emery në një konferencë shtypi të premten.

B.T (Dosja.al)

Sondazh

Poll

MË SHUMË