Aktualitet

Kapja e 85 kg drogë në Fier, arrestohet 26-vjeçari, pronari i "Audi"-t ku u gjetën thasët me kanabis

Dyshohet se 26-vjeçari është i përfshirë në këtë veprimtari kriminale, trafikun e lëndëve narkotike. 

23 Dhjetor 2022, 08:35 Nga F.M
Kapja e 85 kg drogë në Fier, arrestohet 26-vjeçari, pronari i
Policia

FIER- Një 26-vjeçar është vënë në prangat e policisë pasi rezulton se është pronari i makinës me anë të të cilës u transportuan tre thasë me kanabis. Në njoftimin zyrtar të policisë, bëhet me dije se dyshohet se 26-vjeçari është i përfshirë në këtë veprimtari kriminale, trafikun e lëndëve narkotike. 

Njoftimi i policisë: 

Vijon operacioni policor antidrogë i koduar “Hamil”, si rezultat i të cilit, ditën e djeshme, u sekuestruan 85 kg kanabis. Kapet dhe vihet në pranga një 26-vjeçar i përfshirë në këtë veprimtari kriminale. 26-vjeçari, pronari i automjetit “Audi Q7”, me të cilin 2 shtetasit e tjerë po transportonin 3 thasët me kanabis. Në vijim të operacionit policor antidrogë të koduar “Hamil”, i zhvilluar nga Seksioni për Hetimin e Narkotikëve, në bashkëpunim me Komisariatin e Policisë Fier dhe Forcën e Posaçme "Shqiponja", për goditjen e veprimtarisë kriminale në fushën e narkotikëve, janë kryer veprime të pandërprera hetimore për dokumentimin e plotë të kësaj veprimtarie kriminale, identifikimin dhe kapjen e personave të tjerë të përfshirë.

Në kuadër të këtij operacioni, nga specialistët e Seksionit për Hetimin e Narkotikëve të DVP Fier, u kap dhe u ndalua shtetasi V. R., 26 vjeç, banues në Hamil, i përfshirë në këtë veprimtari kriminale. 26-vjeçari është pronari i automjetit tip “Audi Q7”, me të cilin shtetasit A. T., 25 vjeç (i arrestuar gjatë operacionit) dhe N. R., 31 vjeç (i shpallur në kërkim), po transportonin 3 thasë më lëndë të dyshuar narkotike cannabis sativa, me peshë rreth 85 kg. Vijojnë veprimet hetimore për dokumentimin e plotë të kësaj veprimtarie kriminale. Materialet i kaluan Prokurorisë, për veprime të mëtejshme.

Ç'ndodhi një ditë më parë?

Dje u arrestuan dy persona, A. T., 25 vjeç dhe N. R., 31 vjeç teksa transportonin 3 thasë më lëndë të dyshuar narkotike cannabis sativa, me peshë rreth 85 kg.

policia e fierit

Sondazh

Poll

MË SHUMË