Aktualitet

U vra në Greqi, Kreshnik Çerçizaj, autori i tragjedisë së vitit 2002, dy klandestinë i ranë nga skafi në mes të detit

Bëhet fjalë për rastin kur skafi me 32 klandestinë në bord udhëtonte drejt Italisë, por u pikas nga Guardia Di Finanza.

19 Dhjetor 2022, 10:33 Nga F.M
U vra në Greqi, Kreshnik Çerçizaj, autori i tragjedisë
Vendi ku u vranë shqiptarët në Greqi

GREQI- Kreshnik Çerçizaj, 41-vjeçari nga Vlora, një nga shqiptarët që u vra një natë më parë në Greqi rezulton i përfshirë në tragjedinë e 21 gushtit të vitit 2002, ku humbën jetën dy persona. Bëhet fjalë për rastin kur skafi me 32 klandestinë në bord udhëtonte drejt Italisë, por u pikas nga Guardia Di Finanza.

Në përpjekje për t’i shpëtuar ndjekjes, skafi u përplas e u aksidentua, ndaj për pasojë dy prej emigrantëve klandestinë humbën jetën. Viktimat ishin Ilirian Idrizi, ish-drejtori i shkollës së Babicës dhe Zybajde Bracaj nga Mallakastra. Prokuroria e Vlorës kërkoi dënimin me 18 vjet burg për dy pronarët e skafit Kreshnik Çerçizaj dhe Dorian Serjani, por gjykata i dha vetëm 7 vite burg Çerçizajt.

Çerçizaj u vra bashkë me Armando Ogranjan 44 vjeç nga Berati. Masakra ndodhi një natë më parë në Athinë. Një person i veshur me të zeza dhe me maskë kirurgjikale u fut dhe hapi zjarr në një restorant të mbushur me klientë. Ai u afrua pranë tavolinës ku ndodheshin dy shqiptarë dhe i qëlloi me breshëri plumbash. Më pas u largua me vrap. Një nga shqiptarët vdiq në vendin e ngjarjes, ndërsa tjetri në spital. Shkak për krimin e dyfishtë dyshohet të jenë bërë larjet e hesapeve. Nga të shtënat mbeti e plagosur dhe një 31-vjeçare greke.

kreshnik cercizaj vriten shqiptaret ne athine

Sondazh

Poll

MË SHUMË