Bota

Përfundon kriza e vizave mes Francës dhe Marokut, ministrja: Kemi vendosi një marrëdhënie normale konsullore

Catherine Colonna njoftoi rivendosjen e "një marrëdhënie normale konsullore". Në shtator, Parisi vendosi të kufizojë numrin e vizave të lëshuara për shtetasit tunizianë, marokenë dhe algjerianë.

17 Dhjetor 2022, 08:57 Nga A.B
Përfundon kriza e vizave mes Francës dhe Marokut, ministrja: Kemi
Dy ministrat

FRANCË-Marrëdhëniet diplomatike midis Francës dhe Marokut janë rivendosur. Ministrja franceze e Punëve të Jashtme, Catherine Colonna, duke vizituar Marokun, e në mënyrë efektive shpalli fundin e krizës së vizave, e cila kishte prekur marrëdhëniet mes dy vendeve për më shumë se një vit.

"Ne kemi marrë masa, me partnerët tanë marokenë, për të rivendosur një marrëdhënie normale konsullore" në fushën e migracionit, deklaroi Catherine Colonna , gjatë një konference të përbashkët për shtyp me homologun e saj Nasser Bourita, në fund të takimit të tyre. Ky bashkëpunim është efektiv që nga e hëna e kaluar, tha ajo.

“Maroku e ka ndaluar zyrtarisht veten të komentojë, për respekt, për një vendim të njëanshëm dhe sovran (të Francës)”, shpjegoi nga ana e tij Nasser Bourita, në lidhje me vendimin e Parisit në shtator për të ulur përgjysmë lejet e hyrjes të dhëna marokenëve, shkruajnë mediat.

“Sot, vendimi është një vendim i njëanshëm që Maroku e respekton dhe nuk do ta komentojë zyrtarisht, por që shkon në drejtimin e duhur ”, shtoi kreu i diplomacisë marokene.

Parisi e kishte justifikuar këtë vendim me hezitimin e Marokut për të ripranuar shtetasit e tij në një situatë të parregullt në Francë. Masa ishte dënuar nga Rabat, nga OJQ-të humanitare si dhe nga qarqet marokene frëngjisht-folëse dhe kishte ftohur marrëdhëniet midis dy vendeve. 

france marok

Sondazh

Poll

MË SHUMË