Aktualitet

Policia gjen pas 3 muajsh mjetin 'Touareg' të vjedhur, u fsheh në Rinas e Fushë Krujë nga 2 persona (EMRAT)

Hetimi për këtë çështje nisën në muajin shtator nga prokuroria e Elbasanit, pas denoncimit që kishte mbërritur për vjedhjen e mjetit. 

16 Dhjetor 2022, 09:16 Nga A.B
Policia gjen pas 3 muajsh mjetin 'Touareg' të vjedhur, u fsheh
Policia

TIRANË- Matan Kani, 30-vjeç, nga Fushë Kruja dhe Roland Kurtaj, 47-vjeç, nga Durrësi janë arrestuar nga policia pasi kanë bashkëpunuar në fshehjen e një makine, e cila dyshohet se është e vjedhur.

Hetimi për këtë çështje nisën në muajin shtator nga prokuroria e Elbasanit, pas denoncimit që kishte mbërritur për vjedhjen e mjetit. 

Pas hetimeve, u zbulua se Kani ishte ai që kishte blerë një mjet të markës “Touareg” që dyshohet se është i vjedhur, dhe i kishte të vendosur targa që rezultojnë të vjedhura në datën 14.09.2022, në Elbasan. Pasi e ka blerë makinën, ai e ka fshehur atë në servisin e tij, në Vorë, në banesën e një të afërmi të tij, në Rinas, dhe në banesën e 47-vjeçarit Kurtaj në Arrameras, Fushë Krujë.

NJOFTIMI I POLICISË:

DVP Elbasan/Finalizohet pas një hetimi proaktiv 3-mujor, në bashkëpunim me Prokurorinë e Elbasanit, operacioni policor i koduar “Paramendimi”. Vihet në pranga 1 shtetas që përvetësoi dhe fshehu, një automjet të vjedhur dhe targa të vjedhura. Vihet në pranga dhe bashkëpunëtori i tij, i cili e ndihmoi për ta fshehur automjetin e vjedhur, në Fushë Krujë. Sekuestrohen automjeti dhe targat e vjedhura. Specialistët e Seksionit për Hetimin e Krimeve ndaj Personit dhe Pasurisë, në vijim të punës hetimore të kryer në kuadër të një procedimi penal të regjistruar në prokurori, në muajin shtator, për vjedhjen e targave të një automjeti, bazuar dhe në informacionet e siguruara nëpërmjet inteligjencës informative, kanë organizuar dhe finalizuar operacionin policor të koduar “Paramendimi”.

Si rezultat i këtij operacioni u arrestuan në flagrancë shtetasit M. K., 30 vjeç, banues në Fushë Krujë dhe R. K., 47 vjeç, banues në Durrës.

Nga veprimet hetimore ka rezultuar se shtetasi R. K. ka blerë një automjet të markës “Touareg” që dyshohet se është i vjedhur, i cili kishte të vendosura targa që rezultojnë të vjedhura në datën 14.09.2022, në Elbasan. Pasi e ka blerë automjetin, shtetasi R. K. e ka fshehur atë në servisin e tij, në Vorë, në banesën e një të afërmi të tij, në Rinas, dhe në banesën e shtetasit M. K., në Arrameras, Fushë Krujë.

Gjatë kontrollit në banesën e shtetasit M. K., në Arrameras, Fushë Krujë, shërbimet e Policisë Elbasan kanë gjetur dhe sekuestruar në cilësinë e provës materiale automjetin tip “Touareg”, bashkë me targat e vjedhura.
Vijon puna hetimore, në bashkëpunim me Prokurorinë, për dokumentimin e plotë të veprimtarisë kriminale të këtyre shtetasve. Materialet i kaluan Prokurorisë, për veprime të mëtejshme, për veprën penale "Përvetësimi i parave ose mallrave që rrjedhin nga vepra penale ose veprimtaria kriminale".

roland kurtaj mata kani operacioni paramendimi

Sondazh

Poll

MË SHUMË