Bota

Tensionet në veri, Escobar së bashku me Lajçak do të zhvillojnë një takim me Albin Kurtin

Lajmin e ka konfirmuar Zyra e Kryeministrit, e cila deklaroi se takimi i Kurtit me Escobarin dhe Lajçakun është caktuar të zhvillohet në orën 17:30.

13 Dhjetor 2022, 14:37 Nga d.a.
Tensionet në veri, Escobar së bashku me Lajçak do të
Lajcak, Kurti, Escobar

KOSOVË- I dërguari i Shteteve të Bashkuara të Amerikës për Ballkanin Perëndimor, Gabriel Escobar së bashku me  përfaqësuesin special të BE-së për dialogun Kosovë-Serbi, Miroslav Lajçak do të zhvillojnë sot një takim me kryeministrin e Kosovës Albin Kurti.

Lajmin e ka konfirmuar Zyra e Kryeministrit, e cila deklaroi se takimi i Kurtit me Escobarin dhe Lajçakun është caktuar të zhvillohet në orën 17:30.

Escobar ka zhvilluar dhe ditën e djeshme një takim me kryeministrin Kurti ku pas tij u shpreh se ky ishte një vizitë rutinë dhe nuk dha detaje në lidhje se me çfarë u bisedua.

Situata mbetet e tensionuar në veri të vendit, ndërkohë që ndërkombëtarët po përpiqen t’i nxisin palët që të përqendrohen në dialog. Prej 4 ditësh në Rudar janë vendosur barrikada nga serbët, duke ndaluar kështu kalimin në pikat kufitare mes dy vendeve.

 

gabriel escobar ne kosove miroslav lajçak ne kosove albin kurti

Sondazh

Poll

MË SHUMË