Sport

FIFA dërgon gjyqtarin gjerman në shtëpi, përfundon Botërori për të! Mësoni arsyen...

Daniel Siebert drejtoi vetëm dy ndeshje në Kupën e tij të parë botërore

12 Dhjetor 2022, 07:11 Nga DOSJA
FIFA dërgon gjyqtarin gjerman në shtëpi, përfundon

GJERMANI - Pas skuadrës gjermane, edhe gjyqtari gjerman duhet të largohet nga Kupa e Botës. ‘BILD’ ka mësuar ekskluzivisht: FIFA informoi Daniel Siebert (38) dhe ekipin e tij se turneu nuk do të vazhdonte për të pas raundit të 16-të.

Vendimi ishte i pritshëm, janë vetëm katër ndeshje për t’u arbitruar dhe janë mbajtur vetëm dhjetë gjyqtarë nga zona e UEFA-s në Kupën e Botës. Berlinezi është një nga më të rinjtë, ndaj renditet pas kolegëve të tij më me përvojë.

BILD ka kontaktuar me Siebert: "Po, ashtu është. Turneu ka përfunduar për mua. Unë e kam arritur objektivin tim sportiv me dy ndeshje në këtë Botëror. Do të doja të falënderoja të gjithë ata që bënë të mundur këtë përvojë të veçantë të turneut për mua. Reagimet pozitive më bëjnë optimist për të ardhmen. Por tani po pres me padurim familjen time dhe festën së bashku!”.

Siebert (arbitri i Bundesligës që nga viti 2012) drejtoi ndeshjet Australisë kundër Tunizisë (1-0) dhe Uruguajit kundër Ganës (2-0) në Katar. Pas fishkëllimës së fundit, disa lojtarë të Uruguajit ushtruan presion ndaj Siebertit në fushë, sepse ai u kishte mohuar atyre dy goditje dënimi. Skuadra u eliminua nga turneu me golaverazh.

BILD ka mësuar se ngjarjet rreth asaj ndeshjeje nuk kishin ndikim në vendimin për ta dërguar Siebert në shtëpi. Ai kishte marrë mbështetje për menaxhimin e lojës së tij nga qarqet e arbitrave.

B.T (Dosja.al)

Sondazh

Poll

MË SHUMË