Politike

Gjykata Kushtetuese ultimatim për votën e emigrantëve/ PD: E drejta e diasporës për të votuar, instrument që largon Ramën

Në një deklaratë nga selia blu, Indrit Hoxha tha se me këtë vendim, Gjykata Kushtetuese i ka nxjerrë kartonin e kuq qeverisë së kryeministrit Edi Rama. 

10 Dhjetor 2022, 14:15 Nga k.m.
Gjykata Kushtetuese ultimatim për votën e emigrantëve/ PD: E
Indrit Hoxha

TIRANË- Indrit Hoxha, Sekretari për Diasporën dhe Organizimin me Jashtë në PD ka komentuar vendimin e Gjykatës Kushtetuese se i ka dhënë dritën e gjelbër votës së emigrantëve shqiptarë duke vendosur ultimatum që të mbyllet brenda vitit. Në një deklaratë nga selia blu, Indrit Hoxha tha se me këtë vendim, Gjykata Kushtetuese i ka nxjerrë kartonin e kuq qeverisë së kryeministrit Edi Rama. Në një deklaratë nga selia blu, Hoxha theksoi rëndësinë e këtij vendimi për qytetarët shqiptarë. 

"Ky është një lajm i shkëlqyer për të drejta e shqiptarëve dhe Partia Demokratike, e lindur më 11 dhjetor 1990 nga ëndrra e votës së lirë, e përshëndet vendimin. Qeveria Rama ka ardhur në pushtet në vitin 2013 duke ofruar si një prej premtimeve të mëdha votën e migrantëve. Këtë herë nuk mund të themi se Rama ka dështuar. JO! Ai nuk e ka patur kurrë në plan dhënien e së drejtës së votës shqiptarëve që jetojnë jashtë. Që pas futjes në politikë të dy sistemeve: të të fortëve lokalë dhe patronazhistëve, Edi Rama e ka kuptuar se shqiptarët e diasporës nuk mund të blihen dhe as të manipulohen nga bracat e tij elektoralë. Kjo e ka bërë të padëshirueshme votën e emigrantëve shqiptarë,"-tha Hoxha.

DEKLARATË E SEKRETARIT PËR DIASPORËN DHE ORGANIZIMIN ME JASHTË, INDRIT HOXHA

Gjykata Kushtetuese i ka dhënë dritën e gjelbër votës së emigrantëve shqiptarë dhe i ka nxjerrë kartonin e kuq qeverisë Rama. Me një vendim të trupës më të lartë gjyqësore të Republikës, mundësia e shqiptarëve të diasporës që të votojnë në zgjedhje në atdheun e tyre, afrohet si asnjëherë më parë. Kushtetuesja ka vendosur një afat 1 vjecar, që nga hyrja në fuqi e vendimit, që do të thotë se deri në dimrin e vitit tjetër qeveria është e detyruar të ketë gati infrastrukturën elektorale për shqiptarët e diasporës.

Ky është një lajm i shkëlqyer për të drejta e shqiptarëve dhe Partia Demokratike, e lindur më 11 dhjetor 1990 nga ëndrra e votës së lirë, e përshëndet vendimin. Qeveria Rama ka ardhur në pushtet në vitin 2013 duke ofruar si një prej premtimeve të mëdha votën e migrantëve.

Këtë herë nuk mund të themi se Rama ka dështuar. JO! Ai nuk e ka patur kurrë në plan dhënien e së drejtës së votës shqiptarëve që jetojnë jashtë. Që pas futjes në politikë të dy sistemeve: të të fortëve lokalë dhe patronazhistëve, Edi Rama e ka kuptuar se shqiptarët e diasporës nuk mund të blihen dhe as të manipulohen nga bracat e tij elektoralë. Kjo e ka bërë të padëshirueshme votën e emigrantëve shqiptarë.

Ai ka bërë çmos, sic veproi në zgjdhjet e fundit parlamentare për t’i mbajtur larg kutive të votimti shqiptarët e mërgatës. Kujtoni rastin e mbylljes së kufijve me Greqinë në vitin 2021, vetëm e vetëm që rivali politik i kandidatit të tij në Gjirokastër, me influencë ndër shqiptarët e Greqisë dhe minoritarët, të mos i merrte dot votat e tyre. Partia Demokratike mbështet dhe do të inkurajojë të gjithë nismat dhe vendimet që shqiptarët, këtu dhe jashtë vendit të votojnë të lirë. Pa kthimin e votës së lirë Shqipëria është në rrezik dhe demokracia një iluzion. E drejta për të votuar e diasporës, jo vetëm është një instrument për të larguar Ramën, por është një e drejtë e patjetërsueshme e njeriut.

Dje, Gjykata Gjykata Kushtetuese kërkoi që brenda një viti të plotësohet kuadri ligjor, përmes së cilit të sigurohet vota e emigrantëve, votë që sipas tyre u shkel në zgjedhjet e 25 prillit 2021. Gjykata Kushtetuese ka pranuar pjesërisht kërkesën e shoqatës 'Diaspora për Shqipërinë e Lirë' dhe i ka kërkuar Kuvendi të plotësojë boshllëkun ligjor brenda një viti nga hyrja në fuqi e këtij vendimi.

indrit hoxha gjykata kushtetuese

Sondazh

Poll

MË SHUMË