Bota

Putin: Rusia do ta mbrojë veten me të gjitha mjetet në dispozicion

Putin tha se organizatat perëndimore të të drejtave e shihnin vendin e tij si "një vend të klasit të dytë që nuk ka të drejtë të ekzistojë fare" gjatë një sesioni vjetor televiziv të këshillit të tij për të drejtat e njeriut.

7 Dhjetor 2022, 18:12 Nga d.a.

Putin

RUSI- Vladimir Putin ka thënë se Rusia do të mbrohet me të gjitha mjetet që kemi në dispozicion në atë që ai e përshkroi si një luftë për interesat kombëtare kundër perëndimit.

"Nga ana jonë mund të ketë vetëm një përgjigje, luftë e vazhdueshme për interesat tona kombëtare. Ne do të bëjmë vetëm atë. Dhe askush të mos llogarisë në asgjë tjetër. Ne do ta bëjmë këtë me mënyra dhe mjete të ndryshme. Para së gjithash, sigurisht që do të fokusohemi te mjetet paqësore, por nëse nuk mbetet asgjë tjetër, do të mbrohemi me të gjitha mjetet që kemi në dispozicion."- tha Putin.

Udhëheqësi rus tha se "operacioni special ushtarak" i ushtrisë së tij në Ukrainë mund të jetë një proces i gjatë, por ai nuk e sheh nevojën për të mobilizuar ushtarë shtesë në këtë pikë.

Putin tha se nga 300,000 rezervistë që u thirrën për të luftuar në mobilizimin e pjesshëm ushtarak të Rusisë në shtator dhe tetor, 150,000 tani janë vendosur në Ukrainë. Prej tyre, 77,000 ishin në njësi luftarake dhe pjesa tjetër kryente funksione mbrojtëse, tha ai.

vladimir putin lufta ukraine-rusi