Bota

Emigrantët "arratisen" nga avioni pas uljes urgjente në Barcelonë

Policia ka kapur gjysmën e të arratisurve, përfshirë gruan, të cilat supozohet se po përpiqeshin të hynin ilegalisht në Spanjë. Kjo pason një incident të ngjashëm në nëntor të vitit të kaluar në Majorka.

7 Dhjetor 2022, 16:49 Nga d.a.
Emigrantët "arratisen" nga avioni pas uljes urgjente në
Spanje

SPANJË- Një grup prej 28 personash janë larguar nga një aeroplan pasi ai bëri një ulje emergjente në aeroportin El Prat të Barcelonës në Spanjë, thonë zyrtarët. Urgjenca u shkaktua nga një grua shtatzënë në bordin e fluturimit Marok-Turqi.

Sipas BBC, që atëherë, policia ka kapur gjysmën e të arratisurve, përfshirë gruan, të cilat supozohet se po përpiqeshin të hynin ilegalisht në Spanjë. Kjo pason një incident të ngjashëm në nëntor të vitit të kaluar në Majorka.

Grupi thuhet se iku nga avioni në fluturimin e së mërkurës Pegasus Airlines Kazablanca-Stamboll sapo u hapën dyert në ulje. Nga 14 të kapur, pesë u kthyen në avion dhe pjesa tjetër do të deportohet në Marok.

Gruaja shtatzënë u dërgua në spital, ku nuk u gjetën prova se ajo ishte gati në lindje. Ajo është arrestuar me akuza për çrregullim publik dhe është në grupin që do të deportohet.

Më 5 nëntor 2021, një fluturim i Air Arabia në të njëjtën rrugë bëri një ulje emergjente në aeroportin Son Sant Joan të Palma pasi një burrë pati një atak të dukshëm diabetik. Me atë rast 12 pasagjerë u arratisën dhe 12 u kapën, pothuajse të gjithë ishin qytetarë marokenë.

Ai incident ngriti pyetje serioze në lidhje me sigurinë e aeroportit dhe rrugët e emigrantëve në Evropë, dhe kishte spekulime se kjo metodë e hyrjes në Evropë, e mbiquajtur patera aérea ose anije ajrore nga disa media spanjolle, mund të ketë krijuar një precedent.

Vitet e fundit, dhjetëra mijëra emigrantë afrikanë janë përpjekur të kalojnë Mesdheun për në kontinentin spanjoll dhe Ishujt Balearik, ose Atlantikun për në Ishujt Kanarie.

emigrantet ne spanje policia spanjolle

Sondazh

Poll

MË SHUMË