Sport

Serbët dhe tifozët e tyre, sot në Tiranë për të mbështetur ekipin kundër Zvicrës...

Lokali i malazezit në kryeqytet po bën përgatitjet e fundit për të ndjekur ndeshjen e mbrëmjes së sotme kundër helvetëve të Xhakës e Shaqirit

2 Dhjetor 2022, 13:02 Nga DOSJA

Serbët dhe tifozët e tyre, sot në Tiranë për të

TIRANË - Kafja në “Zdravko” në Tiranë, në pronësi të Mileta Dashiqit, janë duke u zhvilluar përgatitjet përfundimtare për transmetimin e ndeshjes së sotme të futbollit të Serbisë dhe Zvicrës, e cila do të luhet në Grupin G në Botërorin e Katarit.

Dashic ka lindur në Tiranë, me origjinë nga Mali i Zi.  Ai është adhurues i madh i Crvena Zvezdës, Novak Gjokovicit dhe Zdravko Çolicit, me emrin e të cilëve ia vuri emrin kafenesë.

Ai thotë, se sonte së bashku me miqtë e tij shqiptarë, do të bëj tifo për Serbinë kundër Zvicrës. Ai parashikon fitore 2-0 për Serbinë, nëse luajnë Kostic, Vllahovic dhe Mitroviç.

Miku i tij shqiptar Andrea Sevo thotë se shpreson që sonte Serbia do të jetë në gjendje të bëjë një skuadër më të fortë se sa ishte kundër Brazilit. Sevo ka pasur një mesazh edhe për trajnerin e Serbisë, Dragan Stojkovic-Piksi.

“Nëse një skuadër si Juventusi paguan Vlahovicin miliona euro, atëherë ai duhet të luajë.  Presim fitore sot”, - thotë Sevo, i cili pret Serbinë 3-1. Dashic thekson se nuk është asgjë e pazakontë të mbështesësh Serbinë, apo klubet serbe në Shqipëri.

Serbët dhe tifozët e tyre, sot në Tiranë për të

“Kur Zvezda u bë kampione e Europës dhe kampione e botës, u festua njësoj si në Beograd. Jo vetëm unë që jam me origjinë nga Mali i Zi, por e gjithë shoqëria ime në Shqipëri. Sportet jugosllave ndiqen në Shqipëri. Presidenti i KF Tirana është shoku im i shkollës dhe më thotë Mileta, ti nuk je problemi im, e di që mbështet Crvena Zvezdën, problemi im është stafi stërvitor i Tiranës, që përkrah Crvena Zvezdën dhe unë i paguaj, - përcjell Dashic fjalët, që presidenti i KF Tiranës me shaka, Refik Halili.

Ai shton se nuk kanë mundur të organizojnë një darkë të përbashkët me futbollistët e Zvezdës për shkak të pandemisë së koronavirusit, por shton se shpreson që një ndeshje e tillë të ndodhë edhe në të ardhmen. Ai thotë se sporti është një mundësi e madhe për të promovuar Ballkanin e Hapur.

B.T (Dosja.al)

Sondazh

Poll

MË SHUMË