Sport

E VEÇANTË! Blinken, kreu i diplomacisë amerikane falënderon presidentin Macron, që ka "mbajtur" Kylian Mbappé në Paris…

Presidenti i Francës, Emmanuel Macron, gjatë vizitës në Shtetet e Bashkuara të Amerikës, u falënderua nga vetë kreu frankofil i diplomacisë amerikane, Antony Blinken. Ky i fundit, një tifoz i PSG-së, e uroi atë që arriti të "mbante" Kylian Mbappe në Paris.

2 Dhjetor 2022, 11:06 Nga DOSJA

E VEÇANTË! Blinken, kreu i diplomacisë amerikane

SHBA - Kylian Mbappé, ylli i PSG-së dhe i kombëtares franceze, ka tifozë në të gjithë botën. Prova. Në mjedisin luksoz të Departamentit të Shtetit, Antony Blinken, kreu i diplomacisë së Shteteve të Bashkuara dhe zv.presidentja e të njëjtit vend, Kamala Harris, shumëfishuan para presidentit Macron referencat për personalitete të shquara në historinë e marrëdhënieve franko-amerikane, nga Marquis de Lafayette te Benjamin Franklin, apo edhe te "baguette" e përcaktuar të mërkurën nga UNESCO si trashëgimi botërore e njerëzimit.

Por afërsia me Francën ishte shumë personale edhe për sekretarin amerikan të shtetit, i cili kaloi disa vite të rinisë së tij në Francë dhe e flet rrjedhshëm gjuhën. “Franca më mirëpriti, më edukoi, më frymëzoi”,- tha ai, duke vënë në dukje se “ato vite i kishin dhënë atij një dashuri të përjetshme, dashurinë për ‘futbollin’, ose për të thënë saktë futbollin, dhe PSG-në”.

“Pra, ndërsa jam krenar, që mbështes Shtetet e Bashkuara në Kupën e Botës, jam i kënaqur që Kylian Mbappé mund të bëjë magjinë e tij me ‘Blutë’ dhe, zoti president, faleminderit që e mbajtët në Paris.”

Presidenti Macron ndodhet në një vizitë shtetërore 3-ditore në Shtetet e Bashkuara dhe u prit me bujë të madhe nga presidenti Joe Biden në Shtëpinë e Bardhë të enjten, përpara një darke gala në mbrëmje. Shtetet e Bashkuara dhe Franca janë kualifikuar për në fazën e 16-të të Kupës së Botës në Doha.

B.T (Dosja.al)

Sondazh

Poll