Aktualitet

Dita e dytë e shembjes te ‘Prestige Resort’, fadroma godet pjesën anësore të ndërtesës

Godina e hotelit është marrë në kontroll total e ruhet nga forcat e policisë që prej ditës së enjte.

2 Dhjetor 2022, 08:11 Nga A.B
Dita e dytë e shembjes te ‘Prestige Resort’, fadroma godet
Shembjet

DURRËS- Sot është dita e dytë e aksionit të IMT-së në Prestige Resort. Drejtuesit e resortit kanë thënë që prej ditës së djeshme se janë gjendur të papërgatitur dhe të pa paralajmëruar me asnjë shkresë zyrtare mbi veprimet e paligjshme që policia e IMT ka kryer. Sot fadromat qëndrojnë disa metra larg resortit dhe aty gjenden forca të shumta të policisë së Shtetit.

Godina e hotelit është marrë në kontroll total e ruhet nga forcat e policisë që prej ditës së enjte. Forcat e xhenios kanë hyrë mëngjesin e sotëm rreth orës 7 e 30 në perimetrin e vendosur nga policia shumë larg resortit. Fadromat kanë nisur shembjet në pjesën anësore të resortit.

Në shtator, IMT nisi të shembë pishinën në Prestige Resort. Shembja u kundërshtua nga pala e Hysenbelliut me argumentin se resorti ishte me leje dhe se zyrtarët më të lartë të qeverisë e kishin "bekuar" këtë investim bashkë me kryeministrin që u shfaq në pamje duke drekuar atje. Por qeveria e kundërshtoi duke thënë se leja e ndërtimit për sipërfaqen prej 4 mijë metra katrorë që iu dha Hysenbelliut për ndërtimin e resortit ishte e kushtëzuar. Ministria e Brendshme pretendoi se leja e ndërtimit do të jepej pas pagesës nga biznesi të taksës së ndikimit në infrastukturë dhe plotësimit të dokumentacionit tekniko-ligjor, dy kushte këto që nuk u plotësuan. Por kthimi i 4 mijë metrave katrorë për "hapësirë publike" të qytetarëve u harrua nga viti 2016 kur u dha leja e ndërtimit e deri në shtator 2022 kur fadromat shkuan në Prestige./Dosja.al

shembjet ne prestige resort

Sondazh

Poll

MË SHUMË