Aktualitet

Plagoset me armë zjarri 40-vjeçari në Durrës, policia nis kërkimet për gjetjen e autorit (EMRAT)

28-vjeçari, Gabriel Peqini ka plagosur me armë zjarri një 40-vjeçar në Durrës.

2 Dhjetor 2022, 07:00 Nga A.B
Plagoset me armë zjarri 40-vjeçari në Durrës, policia nis
Vendi i ngjarjes

DURRËS- Plagosje në Durrës. Daniel Bushi, 40-vjeç është paraqitur në spital për të marrë ndihmë mjekësore pasi kishte marrë plagë në trup. Policia informon se sapo ka mësuar se personi ishte plagosur, shkoi dhe kreu verifikimet. Më pas, u zbulua se ai ishte plagosur me armë zjarri nga një Gabriel Peqini, 28-vjeç. Policia po vijon kontrollin e zonës për kapjen e autorit.

Bushi, i cili u plagos në orët e para të mëngjesit të sotëm rezulton të jetë person me precedent të mëprashëm penal. Në 2016 ai është arrestuar për armëmbajtje pa leje.

NJOFTIMI I POLICISË:

Në orët e para të mëngjesit ka shkuar në spital për ndihmë mjekësore, i plagosur me armë zjarri në lagjen “Nr 17” Durrës, shtetasi D. B., 40 vjeç. Pas njoftimit të marrë, shërbimet e Policisë kanë shkuar menjëherë në vendngjarje dhe nga veprimet e shpejta hetimore paraprake të kryera ka rezultuar se 40 vjeçari D.B, dyshohet se është plagosur nga shtetasi G.P., 28 vjeç. Shërbimet e Policisë vijojnë kontrollin e zonës për kapjen e autorit. Grupi hetimor nën drejtimin e Prokurorisë së Rrethit Gjyqësor Durrës ndodhet në vendngjarje dhe po punon për sqarimin dhe zbardhjen e plotë të rrethanave të ngjarjes.

plagosje ne durres durres daniel bushi gabriel peqini

Sondazh

Poll

MË SHUMË