Aktualitet

Vrasja e biznesmenit malazez nga 2 shqiptarët, çështjen do ta shqyrtojë Shqipëria

Gjurishiç u vra në një objekt hotelierie me qira në afërsi të kompanisë Automoto, pranë pikës së karburantit në hyrje të qytetit. Sipas hetimeve, dy personat erdhën në lokal pasdite, kur nuk kishte të ftuar, pra kur Gjurishiq ishte vetëm, gjë që tregon se vrasësi dhe bashkëpunëtori me siguri kanë ndjekur atë për disa kohë.

26 Nëntor 2022, 11:58 Nga A.B
Vrasja e biznesmenit malazez nga 2 shqiptarët, çështjen do ta
Policia malazeze

TIRANË- Rasti i vrasjes së Momçilo Bar Gjurishiçit (69 vjeç) nga Ulqini, i cili u ekzekutua në lokalin e tij në Ulqin më 4 qershor të vitit të kaluar, i është dorëzuar organeve kompetente gjyqësore të Shqipërisë për veprime të mëtejshme. Kështu raporton për “Vijesti” Prokuroria e Lartë e Shtetit.

“Në Prokurorinë e Lartë të Shtetit në Podgoricë, është ngritur rasti kundër dy shtetasve shqiptarë, PV dhe LD , për veprën penale të vrasjes së rëndë të kryer më 04.06.2021 në Ulqin, gjatë së cilës M. Gj është privuar nga jeta. Me atë rast janë ndërmarrë të gjitha veprimet e nevojshme dhe janë marrë provat, pas së cilës me ndihmën juridike ndërkombëtare ndjekja penale ndaj personave të përmendur iu ka kaluar organeve kompetente gjyqësore të Republikës së Shqipërisë”, thuhet në përgjigjen e VDT-së, të nënshkruar nga drejtuesja dhe zëdhënësja e atij institucioni, Lepa Medenica.

Vetëm katër muaj pas vrasjes së rëndë të Gjurishiçit, oficerët e Sektorit të Kundër Krimit së bashku me kolegët e tyre nga Qendra e Sigurimit të Tivarit kanë bërë kallëzim penal ndaj dy shtetasve shqiptarë, Vinscek Piroli (34) dhe Dorjan Lala (35), i dyshuar për kryerjen e kësaj vepre të krimit të rëndë.

Sipas informacioneve jozyrtare të “Vijesti”, vrasja e Gjurishiçit lidhet me vrasjen e kosovares Beça Likaj në mars të vitit 2017 në Ulqin, për të cilën u dënua djali i Momçilit, Savo .

Gjurishiç u vra në një objekt hotelierie me qira në afërsi të kompanisë Automoto, pranë pikës së karburantit në hyrje të qytetit. Sipas hetimeve, dy personat erdhën në lokal pasdite, kur nuk kishte të ftuar, pra kur Gjurishiq ishte vetëm, gjë që tregon se vrasësi dhe bashkëpunëtori me siguri kanë ndjekur atë për disa kohë.

Ata porositën një pije dhe kur Gjurishiç shkoi drejt lokalit, Piroli nxori një armë dhe e qëlloi në pjesën e pasme të kokës. Trupi i tij i pajetë u gjet në lokal pak më vonë nga të ftuarit e lokalit. Pas vrasjes, shqiptarët janë larguar me vrap nga taverna në drejtim të panjohur dhe policia ka gjetur një armë dhe një xhaketë jo shumë larg vendit të vrasjes.

Në fillim të janarit, Piroli mbeti i plagosur nga të shtënat me armë zjarri në Shkodër. Piroli është goditur me dy plumba, në stomak dhe në shpatull dhe një person e ka transportuar nga Shkodra në spitalin e Ljeshit, pasi është plagosur.

momçilo bar gjurishiqi momçillo gjurishic

Sondazh

Poll

Aktualitet 26 Nëntor 2022, 10:12 Dosja.al

Një reklamë për Shqipërinë

Katia Stathaki Një reklamë për Shqipërinë Përgjatë më shumë se një viti, që po drejton Vodafone Al...

MË SHUMË