Bota

"Çuditërisht u refuzua", ambasadori i Kosovës në Bruksel tregon propozimin e Kurtit

Në një postim në Twitter Bajrami shkroi se propozimi përmbante zotimin e Kosovës që t’i shtyjë masat e radhës për targat dhe të nisin bisedimet për propozimin franko-gjerman.

21 Nëntor 2022, 18:26 Nga d.a.
"Çuditërisht u refuzua", ambasadori i Kosovës në
Agron Bajrami

BRUKSEL- Ambasadori i Kosovës në Belgjikë, Agron Bajrami ka folur rreth propozimit që kryeminstri Albin Kurti ka shtruar sot në tryezën e bisedës me Kurtin.

Në një postim në Twitter Bajrami shkroi se propozimi përmbante zotimin e Kosovës që t’i shtyjë masat e radhës për targat dhe të nisin bisedimet për propozimin franko-gjerman.

“Në takimin urgjent të thirrur nga Josep Borrell, Kosova ka propozuar t’i pezullojë fazat e mëtejshme për targat, në këmbim që Serbia të ndalojë së lëshuari targa ilegale dhe BE-ja të fillojë procesin e bisedimeve bazuar në propozimin e fundit të mbështetur nga Gjermania e Franca. Çuditërisht, kjo u refuzua”, ka shkruar Bajrami në Twitter.

Kurti dhe Vuçiç nuk arritën një marrëveshje pas takimit rreth 8 orë që zhvilluan ditën e sotme në Bruksel në lidhje me targat e automjeteve që Serbia i lëshon për banorët serbë në Kosovë. Përfaqësuesi i Lartë i Bashkimit Europian, Josep Borrell tha se propozimi i tij u pranua nga Vuçiçi, por u refuzua nga Kurti.

 

agron bajrami takimi kurti-vucic dialogu kosove-serbi

Sondazh

Poll