Bota

Abdixhiku takim në Pentagon, kërkon anëtarësim sa më të shpejtë të Kosovës në NATO

Në Pentagon, Abdixhiku ka zhvilluar takim me Drejtorin Kryesor të Departamentit të Mbrojtjes për Evropën dhe Politikat e NATO-s, Andrew L. Winternitz.

17 Nëntor 2022, 14:00 Nga d.a.
Abdixhiku takim në Pentagon, kërkon anëtarësim sa më
Abdixhiku

SHBA- Kryetari i LDK-së, Lumir Abdixhiku është duke zhvilluar një vizitë disa ditore në SHBA ku ka zhvilluar dhe një takim me përfaqësues të Departamentit Amerikan të Mbrojtjes.

Në Pentagon, Abdixhiku ka zhvilluar takim me Drejtorin Kryesor të Departamentit të Mbrojtjes për Evropën dhe Politikat e NATO-s, Andrew L. Winternitz.

Sipas njoftimit për media thuhet se në këtë takim, Abdixhiku shprehu mirënjohjen e thellë ndaj Departamentit të Mbrojtjes për kontributin e dhënë për Kosovën në të gjitha etapat historike.

“Në Pentagon, kryetari Abdixhiku kërkoi mbështetje të mëtutjeshme të ShBA-ve për realizimin e aspiratës historike të popullit të Kosovës për anëtarësim sa më të shpejtë në NATO. Në këtë takim u shtruan dhe kërkesat e pikëpamjet e LDK-së për ‘Kartën për Partneritet Strategjik mes ShBA-ve dhe Kosovës sikurse shndërrimin e Kampit Bondsteel në bazë të përhershme amerikane në Kosovë”, thuhet në njoftim.

Pas vizitës në Departamentin Amerikan të Shtetit, takimeve në Senat e Kongres, takimi në Pentagon përbën një ndër pritjet më të rëndësishme të vizitës zyrtare të kryetarit Abdixhiku në ShBA.

abdixhiku ne shba andrew l. winternitz

Sondazh

Poll

MË SHUMË