Aktualitet

Armë zjarri, fishekë dhe 40 mijë euro, arrestohet pronari i lokalit në Korçë

1 Shtator 2019, 11:03 Nga DOSJA
Armë zjarri, fishekë dhe 40 mijë euro, arrestohet pronari i

KORÇË– Një 54-vjeçar është arrestuar nga policia, pasi është kapur me armë zjarri, municione luftarake pa leje dhe një sasi prej 40 mijë eurosh të pajustifikuara.

Sipas njoftimit të policisë, mësohet se në pranga ka rënë shtetasi me iniciale D. Ç., banues në fshatin Dishnicë, i cili mbante në lokalin dhe banesën e tij një pistoletë me mulli, fishekë dhe euro.

Njoftimi i policisë: 

Korçë

Arrestohet në flagrancë një shtetas, i cili posedonte armë zjarri, municion luftarak pa leje, si edhe një sasi të konsiderueshme eurosh të pajustifikuara.

Specialistët për Hetimin e Krimit Ekonomik Financiar, në Drejtorinë Vendore të Policisë Korçë bënë arrestimin në flagrancë të shtetasit:

D.Ç., 54 vjeç, banues në fshatin Dishnicë, Korçë.

Nga informacione të siguruara në rrugë policore, si edhe nga kontrolli që shërbimet e Komisariatit të Policisë Korçë ushtruan në lokalin dhe më pas në banesën e tij, iu gjetën e sekuestruan në cilësinë e provës materiale, një armë zjarri tip pistoletë me mulli, me 6 fishekë luftarakë pa leje, si edhe rreth 40 000 Euro, sasi monetare kjo e pajustifikuar nga 54-vjeçari.

Shtetas D.Ç., dyshohet të ketë konsumuar elementë të veprave penale “Mbajtja pa leje dhe prodhimi i armëve, armëve shpërthyese dhe i municionit” dhe “Pastrimi i produkteve të veprës penale ose veprimtarisë kriminale”.

Materialet i kaluan Prokurorisë pranë Gjykatës së Shkallës së Parë Korçë për veprime të mëtejshme.

(a.m/dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet arrestohet 54 vjecari korce arrestohet 54 vjecari korce

Sondazh

Poll

MË SHUMË