Bota

Çpo ndodh me Putin? Lideri rus në 'siklet', pasi shmangu samitin e G-20-ës anulon konferencën e përvitshme

Sesioni kryesor i fundvitit zakonisht zhvillohet midis 14 dhe 23 dhjetorit, por Kremlini po refuzon ta konfirmojë zhvillimin e tij, ndërsa Putin tashmë ka shtyrë sesionin vjetor të pyetjeve dhe përgjigjeve të drejtpërdrejta të Linjës së drejtpërdrejtë me rusët e zakonshëm mes shqetësimeve se ai do të përballet me ankesa për luftën dhe mobilizimin e tij kaotik

14 Nëntor 2022, 18:41 Nga e.k
Çpo ndodh me Putin? Lideri rus në 'siklet', pasi shmangu
Vladimir Putin

RUSI- Presidenti rus Vladimir Putin raportohet se nuk do të marrë pjesë në konferenën vjetore. Sipas mediave të huaja ky veprim i liderit rus bëhet për të shmangur kritikat për pushtimin e tij të dështuar të Ukrainës. Kjo vjen pasi Putin anuloi vizitën e tij në samitin e G20-tes që po mbahet në Bali të Indonezisë. Presidenti rus çoi në takim ministrin e Jashtëm Sergei Lavrov.

Sesioni kryesor i fundvitit zakonisht zhvillohet midis 14 dhe 23 dhjetorit, por Kremlini po refuzon ta konfirmojë zhvillimin e tij, ndërsa Putin tashmë ka shtyrë sesionin vjetor të pyetjeve dhe përgjigjeve të drejtpërdrejta të Linjës së drejtpërdrejtë me rusët e zakonshëm mes shqetësimeve se ai do të përballet me ankesa për luftën dhe mobilizimin e tij kaotik. Në konferencën vjetore për shtyp, ai përballet në mënyrë rutinore me pyetje nga mbi 500 gazetarë rusë dhe gjithashtu të huaj, konferenca mund të zgjasë më shumë se katër orë. 

Vonesat do të nxisin dyshimet se Putini ka frikë nga kontrolli, ose se në moshën 70-vjeçare nuk është mjaftueshëm i shëndetshëm për të duruar seancat e gjata kur është nën vështrimin e botës. Ka pasur spekulime të rëndësishme për gjendjen mjekësore të Putinit, duke përfshirë thashethemet e vazhdueshme - por të paprovuara se ai vuan nga kanceri. Një plan për të kombinuar konferencën e tij për shtyp dhe Linjën e drejtpërdrejtë duket se është përjashtuar, të paktën tani për tani. 

vladimir putin

Sondazh

Poll

MË SHUMË