Aktualitet

Gjykata Administrative rrëzon kërkesën për hapjen e kopshtit “Zybeyde Hanim” avokati: Do apelojmë

Duke folur për mediat pas daljes nga Gjykata avokati u shpreh se do ta apelojë vendimin në Gjykatën e Apelit. Ai tha se ky vendimi për mbylljen e kopshtit është i padrejtë.

14 Nëntor 2022, 16:08 Nga e.k
Gjykata Administrative rrëzon kërkesën për hapjen e kopshtit
Kopshti “Zybeyde Hanim”

TIRANË- Gjykata Administrative e Tiranës ka rrëzuar kërkesën avokatit të kopshtit “Zybeyde Hanim” për të hapur institucionin arsimor. Gjatë seancës që zgjatur 1 orë e 30 minuta trupa gjykuese nuk ka marrë parasysh kërkesën e prindërve dhe të avokatit për hapjen e kopshtit. Duke folur për mediat pas daljes nga Gjykata avokati u shpreh se do ta apelojë vendimin në Gjykatën e Apelit. Ai tha se ky vendimi për mbylljen e kopshtit është i padrejtë.

”Kopshti do të vijojë i mbyllur. Gjykata mbylli veshët kur ne paraqitëm faktet. Të gjtha argumentat që nuk janë marrë në konsideratë, do ti çojmë në Apel, duhet ti marri patjetër në konsideratë. Kjo cështje është në kundërshtim me ligjin", tha avokati.

Gjithashtu dhe prindërit u shprehen të zhgënjyer nga vendimi i Gjykatës së Shkallës së Parë. Ata u shprehen se çështja do të shkojë deri në Gjykatën e Strasburgut.

“Sot ishte një shoë i vertëtë, drejtësia jonë lë shumë për të dëshiruar. Duam të drejtën e fëmijës sonë. Duam ti shkollojmë aty ku mendojmë se shkollohen më mirë. Jemi shumë të zhgënjyer. Deri në Strasburg do të bëjmë tonë, Ky është realiteti ynë i hidhur”,  tha një prej prindërve.

Kopshti “Zubeyde Hanim” është mbyllur me urdhër të ministres së Arsimit dhe Sportit të Shqipërisë, Evis Kushi, urdhër i cili mban datën 15 shtator 2022, publikuar në Fletoren Zyrtare të Shqipërisë të datës 20 shtator 2022. Heqja e licencës bëhet për shkak të konstatimit të shkeljeve të rënda të legjislacionit në fuqi, që përbëjnë mosplotësim të kushteve të licencimit. Kopshti në fjalë ushtron aktivitetin në një godinë, për të cilin nuk është marrë miratimi nga ministri përgjegjës për arsimin dhe institucioni përkatës i licencimit.

zybeyde hanim

Sondazh

Poll

MË SHUMË