Aktualitet

Rikthehet në vëmendje zhdukja e 19-vjeçares shqiptar në Greqi, është parë në plazh një ditë pasi humbi kontaktet

Sipas kësaj dëshmie, 19-vjeçarja është parë një ditë pas zhdukjes së saj, më 16 tetor 2020, në Koropi, e humbur në mendime në plazhin e Agia Marinës.

14 Nëntor 2022, 11:06 Nga d.a.
Rikthehet në vëmendje zhdukja e 19-vjeçares shqiptar në
Artemisa

GREQI- Çështja e zhdukjes së 19-vjeçares shqiptare Artemis Vassilis qëndron e hapur prej dy vitesh, me një dëshmi të depozituar të premten në emisionin “Dritë në tunel” duke i dhënë një kthesë të re çështjes.

Sipas kësaj dëshmie, 19-vjeçarja është parë një ditë pas zhdukjes së saj, më 16 tetor 2020, në Koropi, e humbur në mendime në plazhin e Agia Marinës.

Sipas familjarëve të saj, 19-vjeçarja Artemis shkonte për not me miqtë e saj në këtë plazh. Në fakt, ajo dyshohet se ka shkuar atje me ish të dashurin e saj, para se ai ta refuzonte dhe ta fshinte nga rrjetet sociale.

Kur u pyet për këtë, ai u përgjigj vetëm se një herë kishte shkuar në Agia Marina për të notuar dhe se ka thënë gjithçka që kishte për të thënë. 

"Nëse do të mund të ndihmoja, do ta bëja. Në kohën kur Artemisa u zhduk, unë isha brenda kampit. Unë isha ushtar në Aleksandropoli".- tha ai.

Avokati i familjes, Anastasios Dugas, ka thënë se kjo është diçka e re, paso ndërsa më parë personi i fundit e kishte parë në stacionin e autobusit duke pritur diçka, tani vjen një dëshmi që ndryshon të gjitha faktet dhe na thotë se e sheh në plazhin e Agia Marinës. Kjo zonë nuk ishte testuar kurrë. Besojmë se këtë javë do të jepet urdhër për kontroll edhe në këtë zonë.

“Jemi të sigurt që atë ditë kishte lënë takim me dikë për t’u takuar. Ajo mori një telefonatë në Viber, shkoi në dhomën e saj, foli dhe u largua e lumtur”, tha Dugas, i cili po bën apel që kushdo që di diçka dhe nuk flet të dalë përpara. 

Artemis Vasilis u largua nga shtëpia dhe familjarëve u tha se do shkonte për të dhënë një intervistë pune në një dyqan lodrash të njohur në Koropi, por sipas hetimit të policisë, Artemis kurrë nuk shkoi në “Jumbo”. Sipas familjes së saj, Artemis kishte takuar një 24-vjeçar që kishte njohur përmes Facebook, por vetë djali nuk ka pranuar të ketë pasur lidhje me zhdukjen e saj.

artemis vassilis

Sondazh

Poll

MË SHUMË