Aktualitet

'Kishin kallash...'/ Puna në serat në kanabis, 30-vjeçari: Policët në postobllok e dinin se çfarë bënim

Ai tregoi se fillimisht ka punuar në Lazarat e më pas ka përfunduar në serat që kishin pranë.

14 Nëntor 2022, 08:56 Nga A.B
'Kishin kallash...'/ Puna në serat në kanabis,
Qytetari

TIRANË- Një person i cili ka punuar në sera me kanabis ka rrëfyer për “Revieë” në Euronews Albania se si ishte procesi i punës. Ai tregoi se fillimisht ka punuar në Lazarat e më pas ka përfunduar në serat që kishin pranë. Ai ka treguar se në ato punë kishte të gjithë familjen, madje në disa raste në punë vinin dhe fëmijë. 

“Kemi punuar, na jepte nga 20 mijë lekë në ditë, shkonim në 8 të mëngjesit dilnim në orën 6. Kam punuar rreth 2 muaj. Nga Lazarati kam punuar në Vlorë, nga Vlora na morën në Kuç, Kallarat, na çuan për të punuar,” – u shpreh 30-vjeçari duke vijuar: Në Vlorë nuk jepnin lekë, në Lazarat ishte më mirë. Na porosisnin mos tregoni. Kur na kapën policët e dinin se çfarë bënim, ato që ishin në postobllok e dinin se në cilën orën dilnin puntorët nga puna'.

Ai tregoi se në Vlorë, fillimisht i kishin gënjyer se do të vilnin ullinj. Më pas ai kishte vënë re se kishin lënë në tel boçet e kanabisit gati për të qethur. Aty u paguan me 30 mijë lekë, siç tregoi i riu. Ai tha se ka pasur shumë raste kur nuk kanë marrë lekët, ndërsa presione tha se nuk ju kanë ushtruar edhe pse vazhdimisht kishte njerëz të armatosur.

“Njëri tha po keni ngacmuar ndonjë gjë do ju vras. Kishin dhe kallash. Na thoshin që po të na pyesnin ku ishim të thoshim ishim në mal duke kullotur dhitë,” – u shpreh 30-vjeçari.

Ai rrëfeu se në eksperiencën e tij ka pasur raste ku ka qenë e gjithë familja për punë, përfshirë këtu edhe fëmijë 3-4 vjeç që prindërit i merrnin me vete nëpër sera. I riu sqaroi se pasi bimët bëhen gati për t’u qethur atëherë kërkohen punëtorët dhe pasi kryhet puna nga paketuesit, që janë punëtorë të tjerë veç atyre që qethin, malli dërgohet menjëherë jashtë serave.

Sipas 30-vjeçarit sa herë transportohej lënda narkotike, pronarët e serave i largonin punëtorët me argumentin se “erdhi shteti”, pra i gënjenin se kishte forca policie të pranishëm për të mos ekspozuar transportuesin.

ferma e kanabis ne berat

Sondazh

Poll

MË SHUMË