Bota

Shpërthimi në Stamboll/ Arrestohet personi që vendosi bombën, dyshohet se autorja është vajza e një kurdit të zhdukur

6 të vdekur dhe 81 të plagosur nga shpërthimi në pedonalen Istiklal.

14 Nëntor 2022, 07:13 Nga A.B
Shpërthimi në Stamboll/ Arrestohet personi që vendosi
Gruaja e dyshuar

TURQI- Personi që la bombën që shkaktoi shpërthimin vdekjeprurës në rrugën e këmbësorëve Istiklal në qendër të Stambollit është arrestuar nga policia. Këtë e njoftoi ministri i Brendshëm turk, Suleyman Soylu, sipas një postimi të agjencisë shtetërore të lajmeve Anadolu në Twitter.

Të paktën gjashtë persona u vranë dhe 81 të tjerë u plagosën në shpërthimin, për të cilin presidenti turk Rexhep Tajip Erdogan tha se ishte “terrorizëm”.

Ministri i Brendshëm turk, Suleyman Soylu, fajësoi =Partinë e Punëtorëve të Kurdistanit (PKK) për sulmin në qendër të Stambollit, i cili vrau të paktën gjashtë persona dhe plagosi më shumë se 80 të tjerë.

"Bazuar në përfundimet tona, organizata terroriste PKK është përgjegjëse" për shpërthimin e bombës, tha Soylu, duke njoftuar arrestimin e një personi që dyshohet se vendosi mjetin shpërthyes. Soylou nuk specifikoi gjininë e personit të arrestuar.

“Vlerësimi ynë është se urdhri për shpërthimin është dhënë nga Kobani. Personi që vendosi bombën kaloi në Afrin”, shtoi Soylou, duke bërë të ditur se para arrestimit të personit që dyshohet se kishte lënë bombën, ishin arrestuar edhe 20 persona të tjerë.

Lidhur me të plagosurit, ministri i Brendshëm turk tha se pesë janë në reanimacion dhe gjendja e dy të tjerëve konsiderohet e rëndë ndërsa shtoi se “e pamë se çfarë mesazhi donin të na dërgonin me këtë lëvizje. Ne e morëm atë. Mos u shqetësoni, ata do të paguajnë shtrenjtë për atë që kanë bërë”.

Presidenti turk Rexhep Tajip Erdogan ishte i pari që ka folur për gruan misterioze që thuhet se është përfshirë në shpërthimin duke shpërthyer bombën. 

“Do të ishte gabim të thuash se ky është padyshim terrorizëm, por indikacionet e para dhe informacioni që na solli guvernatori im i parë është se këtu ka një erë terrorizmi. Vlerësimet e para janë se një grua ka luajtur një rol në atë që ka ndodhur. Si shefi i policisë së Stambollit ashtu edhe guvernatori ynë po hetojnë shpërthimin dhe kamerat nga vendi i ngjarjes po analizohen. Më pas do të bëjmë njoftimet përfundimtare”, tha Erdogan.

Kush është gruaja e dyshimtë?

Shpërthimi në Stamboll/ Arrestohet personi që vendosi

Faqja turke ODA TV raportoi se një grua me gjatësi rreth 1.65 u pa duke vendosur një çantë në rrugën Istiklal.

Autoritetet po hetojnë rolin e gruas që është kapur duke lënë diçka të dyshimtë në vendin e shpërthimit. Gruaja kishte veshur pantallona kamuflazhi dhe ishte e mbuluar “me kapelë të zezë për të mashtruar siç thoshin”. Sipas ERT, ata besojnë se ajo është vajza e një kurdi të zhdukur në vitin 1990 gjatë operacioneve antiterroriste të ushtrisë turke.

Ndërkohë, Prokuroria e Përgjithshme e Stambollit nisi hetimet për shpërthimin dhe u emëruan pesë prokurorë, ndërsa Erdogan foli që në fillim për një “sulm me bombë” me “erë” terrorizmi dhe theksoi se autorët do të jenë ndëshkohen ashtu siç e meritojnë.

“Vlerësimi ynë i parë është se ky është një akt terrorist”, tha zëvendëskryeministri Fuat Oktai.

Afati kohor i sulmit

Ishte ora 4 pasdite. Banorët dhe turistët ishin jashtë në një rrugë të frekuentuar këmbësore në zonën qendrore të sheshit Taksim të Stambollit, kur papritmas dëgjuan një tingull shurdhues dhe panë shpërthimin.

Menjëherë ata i ka zënë paniku dhe kanë nisur të vrapojnë për t’u mbrojtur ndërsa ata që kanë qenë shumë pranë çantës që shpërtheu nuk kanë pasur kohë të reagojnë dhe kanë humbur jetën.

shperthim ne stamboll

Sondazh

Poll

MË SHUMË