Aktualitet

Dhomat gati për rritjen e drogës/ Zbulohet shtëpia e barit në Krujë, arrestohet vëllai i pronarit

Nga hetimet e policisë, rezulton se H. H. ka bashkëpunuar me Qerim Xeka (babai), Kledi Xeka dhe Lutfi Xeka (2 djemtë e tij), të cilët u shpallën në kërkim pasi dy ditë më parë u kapën duke kultivuar drogë në një shtëpi bari. 

12 Nëntor 2022, 10:40 Nga a.l
Dhomat gati për rritjen e drogës/ Zbulohet shtëpia e barit
operacioni vijimi

KRUJË- Një tjetër "shtëpi bari" është zbuluar nga policia ditën e sotme në Krujë. Blutë bëjnë me dije se në banesë janë zbuluar 4 ambiente të cilat ishin përshtatur për të kultivuar drogë. 

Në pranga është vënë vëllai i pronarit të shtëpisë i cili është identifikuar si H. H., dhe u kap në flagrancë nga policia, duke ruajtur ambinetet ku kultivohehsin bimët narkotike.  Nga hetimet e deritanishme, dyshohet se H. H. ka bashkëpunuar me Qerim Xeka (babai), Kledi Xeka dhe Lutfi Xeka (2 djemtë e tij), të cilët u shpallën në kërkim pasi dy ditë më parë u kapën duke kultivuar drogë në një shtëpi bari në të njejtën zonë. 

Njoftimi i plotë i policisë: 

Vijon kontrolli i ambienteve ku dyshohet se kultivohen bimë narkotike, me anë të llambave.

Finalizohet operacioni policor i koduar “Vijimi”.

Zbulohen 4 ambiente të përshtatura për kultivim të bimëve narkotike, me anë të llambave.

Vihet në pranga shtetasi që i kishte në ruajtje ambientet (vëllai i pronarit të ambienteve).

Sekuestrohen fidanë narkotikë në vazo, pajisje elektrike dhe sende të tjera që shërbenin për kultivim të bimëve narkotike, me anë të llambave.

Shërbimet e Komisariatit të Policisë Krujë, në bashkëpunim me strukturat hetimore të DVP Durrës, në vijim të kontrolleve në ambiente të mbyllura, ku dyshohet se kultivohen bimë narkotike, bazuar dhe në inteligjencën operative, kanë finalizuar operacionin policor të koduar “Vijimi”, në kuadër të të cilit u zbuluan 4 ambiente të përshtatura për kultivim të bimëve narkotike, me anë të llambave.

Në përfundim të veprimeve të para hetimore, u arrestua në flagrancë shtetasi H. H. (vëllai i pronarit të këtyre ambienteve), pasi kishte në ruajtje ambientet ku kultivoheshin bimë narkotike.

Nga hetimet, rezulton se ky shtetas, në bashkëpunim me 3 shtetas të tjerë, autorë të dyshuar të kultivmit të bimëve narkotike me anë të llambave, në 2 ambientet e zbuluara si rezultat i operacionit “Derveni”, të zhvilluar 2 ditë më parë, kanë përshtatur edhe këto 4 ambiente, për të njëjtën veprimtari kriminale.

Vijon puna intensive për kapjen e 3 personave të shpallur në kërkim.

Materialet procedurale i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme.

shtepi bari ne kruje

Sondazh

Poll

MË SHUMË