Bota

Një papë i dehur? Ted Cruz kanibal? Paroditë në Twitter shfrytëzojnë tikun blu, tallen me personazhet e njohur

Debatet në lidhje me menaxhimin që po bën Musk janë shtuar edhe më shumë ditën e sotme pasi disa profile parodie duke përfituar nga shërbimi ‘Twitter Blue’, i cili kushton vetëm 8 dollarë dhe që dikur u jepej vetëm personave publik po përdorin emrat e personazheve të njohur me tikun blu duke i bërë të duken si reale dhe duke postuar në emër të tyre. 

11 Nëntor 2022, 16:12 Nga e.k
Një papë i dehur? Ted Cruz kanibal? Paroditë në Twitter
Ted Cruz

SHBA- Kompania Twitter është në qendër të vëmëndjes që pas blerjes nga miliarderi Elon Musk. Debatet në lidhje me menaxhimin që po bën Musk janë shtuar edhe më shumë ditën e sotme pasi disa profile parodie duke përfituar nga shërbimi ‘Twitter Blue’, i cili kushton vetëm 8 dollarë dhe që dikur u jepej vetëm personave publik po përdorin emrat e personazheve të njohur me tikun blu duke i bërë të duken si reale dhe duke postuar në emër të tyre. 

Njëri nga përdoruesit thotë se 8 dollarë është një çmim i vogël për ta bërë këtë aplikacion të duket si i një personi të famshëm. Postimet preken shumë personalitete botërore madje dhe Papa Françeskun. 

Memet e postuara në Twitter kanë prekur edhe Ted Cruz, Rudy Giuliani dhe George Soros ku personat që fshihen pas llogarive të rreme kanë dhënë 'detaje' nga jeta e tyre. 

Musk, i cili kohët e fundit e ndaloi komedianin Kathy Griffin nga Twitter për imitimin e tij, nuk duket shumë i shqetësuar nga këta mashtrues. Megjithatë, Twitter ka pezulluar shumë nga llogaritë në fjalë. Megjithëse e gjithë kjo është mjaft qesharake, ajo gjithashtu tregon për rreziqet e përfshira në skemën e re Blu, duke mjegulluar më tej linjat midis imagjinatës dhe realitetit.

twitter elon musk

Sondazh

Poll