Aktualitet

Kërkohej nga Italia për trafik droge/ Arrestohet i riu në Vlorë, pritet ekstradimi i tij (EMRI)

Arrestimi i tij është bërë në kuadër të operacionit të koduar "Brindisi" ndërsa pritet të ekstradohet në Itali ku do të vuajë dënimin me 3 vjet, 6 muaj e 3 ditë burg.

11 Nëntor 2022, 15:22 Nga a.l
Kërkohej nga Italia për trafik droge/ Arrestohet i riu në
foto ilustruese

VLORË- Abaz Mamo, 27 vjeç nga Vlora është arrestuar nga policia ditën e sotme pasi ishte shpallur në kërkim ndërkombëtar nga Itali. Policia sqaron se Mamo akuzohet për veprat penale "Trafikimi i narkotikëve". Arrestimi i tij është bërë në kuadër të operacionit të koduar "Brindisi" ndërsa pritet të ekstradohet në Itali ku do të vuajë dënimin me 3 vjet, 6 muaj e 3 ditë burg.

Njoftimi i policisë: 

Finalizohet nga strukturat e DVP Vlorë, në bashkëpunim me Interpol Tirana, operacioni policor i koduar “Brindisi”.

Kapet dhe vihet në pranga, me qëllim ekstradimi drejt Italisë, 1 shtetas i shpallur në kërkim ndërkombëtar për trafikim të lëndëve narkotike. Shërbimet e Forcës së Posaçme Operacionale dhe të Seksionit për Hetimin e Trafiqeve të Paligjshme dhe Narkotikëve, të DVP Vlorë, në vijim të punës për kapjen e personave të shpallur në kërkim ndërkombëtar, në bashkëpunim me Interpol Tirana, mbështetur dhe në inteligjencën informative, kanë organizuar dhe finalizuar operacionin policor të koduar “Brindisi”, si rezultat i të cilit u bë kapja dhe arrestimi provizor, me qëllim ekstradimin drejt Italisë, i shtetasit:


Abaz Mamo, 27 vjeç, banues në fshatin Çepeat, Vlorë.

Ky shtetas ishte shpallur në kërkim ndërkombëtar, pasi Gjykata e Brindisit, Itali, e ka dënuar me 3 vjet, 6 muaj e 3 ditë burgim, për veprën penale “Trafikimi i narkotikëve”, parashikuar nga Kodi Penal i Italisë.

Interpol Tirana, në bashkëpunim me Interpol Roma, vijon procedurat për ekstradimin e këtij shtetasi drejt Italisë.

abaz mamo

Sondazh

Poll

MË SHUMË