Bota

Çmimet për parkingun në Prishtinë, LVV: Shumë më të larta se në kontratë, përgjegjës, Përparim Rama

Sipas LVV, në këtë rast është evidente se kemi të bëjmë me shkelje të kontratës nga ana e operatorit privat dhe miratim në heshtje nga ana e organeve komunale. Për ëktë gjë, LVV hedh akuza ndaj kryetarit të Prishtinës Përparim Rama.

11 Nëntor 2022, 07:38 Nga F.M
Çmimet për parkingun në Prishtinë, LVV: Shumë më
Çmimet

KOSOVË- Lëvizja Vetëvendosje në Prishtinë ka kundërshtuar listën me çmimet që janë përcaktuar për parkingun nëntokësor në kryeqytet. Në një postim në Facebook, LVV shkruan se çmimet e vendosura janë shumë më të larta se me ato për të cilat kanë rënë dakort më herët me kontratë. Sipas LVV, në këtë rast është evidente se kemi të bëjmë me shkelje të kontratës nga ana e operatorit privat dhe miratim në heshtje nga ana e organeve komunale. Për ëktë gjë, LVV hedh akuza ndaj kryetarit të Prishtinës Përparim Rama.

Postimin i LVV në Prishtinë:

Lëvizja VETËVENDOSJE!-Qendra Prishtinë, kundërshton listën e çmimeve/tarifave për operim të cilat janë caktuar nga operatori ekonomik për “Parkingu Nëntokësor” te Fakulteti Filologjik. Në kontratën koncesionare në mes të Komunës së Prishtinës dhe shoqërisë tregtare “Parking Center” sh.p.k., të nënshkruar me datën 30.10.2019, konkretisht në shtojcën 9 që ka të bëjë me tarifat e parkingut, janë të caktuara tjera çmime nga ato që tashmë i kemi parë në media dhe në vet objektin e parkingut. Po nashtu, në këtë shtojcë, thuhet se çmimet indeksohen një herë në 3 vjet dhe për çdo ndryshim duhet pajtimi i të dy palëve.

Siç mund ta shihni në fotot që i kemi postuar, çmimet e vendosura tani (foto 1) janë shumë më të larta se çmimet e dakorduara me kontratë (foto 2).

Në këtë rast është evidente se kemi të bëjmë me shkelje të kontratës nga ana e operatorit privat dhe miratim në heshtje nga ana e organeve komunale, konkretisht kryetari Rama dhe kabineti i tij.

Kërkojmë nga personat përgjegjës, zyrtarët e Komunës së Prishtinës, kryetari Përparim Rama dhe vartësit e tij, menjëherë ta sqarojnë këtë çështje si dhe ta mbrojnë dhe ta zbatojnë në përpikëri kontratën e këtij projekti. Tarifat duhet të vendosën siç parashihet me marrëveshje dhe të sanksionohen shkelësit e kontratës. Shqyrtimi dhe indeksimi i tarifave për parking mund të bëhet, ashtu siç thuhet në marrëveshje, vetëm pas 3 viteve dhe në marrëveshje me Komunën e Prishtinës.

albin kurti levizja vetevendosje perparim rama

Sondazh

Poll

MË SHUMË