Aktualitet

"Homeland Justice" nxjerrin VIDEON, si e zbuloi Gledis Nano drejton spiun të Policisë së Shtetit. ZBULOHET operacioni tek ambasada kineze

Madje kanë edhe një paralajmërim nga Shërbimi Informativ Shtetëror, të cilët i parapëratisin për një "bombë" që do të publikohet.

7 Nëntor 2022, 18:50 Nga k.m.
"Homeland Justice" nxjerrin VIDEON, si e zbuloi Gledis Nano drejton
Pamje nga videot e publikuara

TIRANË- Rishfaqen "Homeland Justice" në Telegram. Grupi i hakerave iranianë kanë nxjerrë të dhëna të tjera që kanë marrë nga institucionet shqiptare, më konkretisht operacionin për zbulimin e një spiuni që punonte në ambasadën kineze. Madje krahas videos kanë edhe një paralajmërim nga Shërbimi Informativ Shtetëror, të cilët i përgatisin për një "bombë" që do të publikohet.

"Kujdes SHISH! Do publikojmë një bombë. Në vend që të shpërdoroni taksat e popullit tonë për terroristët antinjerëzor të Durrësit, shpenzoni paratë për popullin e kultivuar të Shqipërisë,"-shkruhet krahas videos.

Po ashtu, kanë nxjerrë dhe një video të xhiruar me kamera trupi, të dikujt që iu afrohet dy personave, një prej tyre, ish-kryepolici Gledis Nano. Nga pamjet duket se survejimi është pranë ambasadës kineze në Tiranë.

"Përshëndetje jemi njësia hetimore e Policisë së Shtetit. Unë jam drejtori,"-thotë në video një prej tyre, ndërsa tjetri filmon me kameran e trupit. Duket e paqartë e se kush flet, por mendohet se nga pozicioni është Nano. Nga të marrurit në pyetje, njëri u përgjigjet në shqip, ndërsa tjetri kërkon më shumë detaje në gjuhën angleze pasi pretendon se nuk di të flasë në shqip.

“Jam drejtori i protokollit në Policinë e Shtetit,”-i tha njëri prej tyre. Më pas, Nano pyet edhe personin tjetër se kush është dhe ky i flet Nanos në anglisht dhe i kërkon që ta pyesë anglisht me pretendimin se nuk di shqip.

Por problemi është që drejtori i protokollit i Policisë së Shtetit del nga ambasada kineze bashkë me atashehun kulturor të ambasadës, kur me ligj e ka të ndaluar hyrjen me dokumenta në çdo përfaqësi të huaj. Ky operacion është finalizuar nga vetë Nano kur mbante postin si shef i AntiTerrorit, disa muaj para se të emërohej si kryepolic. Por ende nuk dihet se kush janë personat në video, pasi përveç Gledis Nanos nuk dallohet askush tjetër. Po ashtu, nuk dihet se ç'pritet të nxirret sërish nga hakerat iranianë, pasi SHISH është një institucion sekret ku punonjësit nuk duhet të ekspozohen për publikun, por disa kohë më parë Edi Rama tha se institucioni ishte në duart e partnerëve. 

 

Më 10 shtator Shqipëria u përball me sulmin e dytë kibernetik, kësaj herë ishte sistemi TIMS, pas sulmit të shërbimeve online qeveritare dhe e-albania. Ata arritën të hakerojnë dhe publikojnë të dhëna sensitivet ish-drejtorit të Përgjithshëm të Policisë, Gledis Nano, por edhe të vetë kryeministrit Edi Rama dhe institucioneve të tjera të shtetit.

homeland justice irani sulmon shqiperine

Sondazh

Poll

MË SHUMË