Aktualitet

Burgosi gruan e fëmijët për 6 vite, Laçi: Kam ndjekur parimet e mia fetare, s'i dhunoja por i ruajta nga e keqja

Ai është shprehur se po e ruante familjen nga ‘e keqja’ duke ndekur parimet e tij fetare, por që nuk ka pasur dhunë në asnjë lloj momenti.

7 Nëntor 2022, 10:26 Nga F.M
Burgosi gruan e fëmijët për 6 vite, Laçi: Kam ndjekur
Xherxh Laçi

TIRANË- Xherxh (Gjergj) Laçi, radikalisti 52-vjeçar që kishte burgosur gruan e dy fëmijët e tij për gjashtë vite rresht ka mohuar se ka ushtruar dhunë ndaj tyre. Në dëshminë e dhënë para grupit hetimor, Laçi ka rrëfyer se bashkëshorten e dy djemtë, përkatësisht 15 dhe 17 vjeç nuk i linte të dilnin nga shtëpia në mënyrë që ata të mos infektoheshin. Ai është shprehur se po e ruante familjen nga ‘e keqja’ duke ndekur parimet e tij fetare, por që nuk ka pasur dhunë në asnjë lloj momenti.

“Kam ndjekur parimet e mia fetare. Fëmijët dhe bashkëshorten nuk i kam lënë të dalin për t'i ruajtur nga e keqja. Nuk doja që ata të nisnin drogën apo të infektoheshin", ka pohuar Laçi.

52-vjeç u vu në pranga një ditë më parë nga policia e Tiranës, pasi prej 6 vitesh mbante të ngujuar gruan dhe fëmijët e mitur për shkak të bindjeve radikale. Fqinjët e familjes Laçi treguan për mediat se nuk i kishin parë kurrë familjarët e Laçit, gruan e fëmijët që të dilnin nga shtëpia. Dy fëmijët e mitur nuk frekuentonin shkollën, për shkak të bindjeve të tij radikale. Në banesë ata nuk kishin ujë, drita, televizor, dritaret i mbanin mbyllur. Furnizimi me ushqime bëhej nga vetë Laçi ose vëllai i gruas. Laçi ishte vënë në pranga në vitin 2013 pasi kishte terrorizuar lagjen me të shtëna me armë, por më vonë është liruar.

xherxh laci ngujohet familja ne tirane

Sondazh

Poll

MË SHUMË