Politike

Vizita 2-ditore e ambasadores së SHBA në OKB, Linda Thomas-Greenfield mbërrin në Shqipëri

Vizita e saj vjen në kuadër të 100-vjetorit të vendosjes së marrëdhënieve diplomatike SHBA-Shqipëri.

6 Nëntor 2022, 14:39 Nga A.B
Vizita 2-ditore e ambasadores së SHBA në OKB, Linda Thomas-Greenfield
Linda Thomas-Greenfield

TIRANË- Ambasadorja e SHBA-së në OKB, Linda Thomas-Greenfield ka mbërritur në Shqipëri. Përmes një statusi në ‘Twitter’, ajo shkruan se Shqipëria është një partner i palëkundur i SHBA, ndërsa vlerëson edhe qëndrimet e vendit tonë në Këshillin e Sigurimit në OKB kundrejt Rusisë.

“Shqipëria është një aleat i palëkundur dhe një partner kritik në Këshillin e Sigurimit të OKB-së, veçanërisht përballë luftës brutale të Rusisë në Ukrainë”, shkruan Linda Thomas-Greenfield.

Zyrtarja pritet të takohet me kryeministrin Edi Rama, presidentin Bajram Begaj dhe me zyrtarë të tjerë të lartë. Greenfield do të diskutojë gjithashtu se si ne mund të forcojmë bashkëpunimin SHBA-Shqipëri në prioritete të tjera të përbashkëta, duke përfshirë forcimin e energjisë dhe sigurisë ushqimore, forcimin e aleancës transatlantike dhe mbajtjen e Rusisë përgjegjëse për krimet e kryera. Vizita e saj vjen në kuadër të 100-vjetorit të vendosjes së marrëdhënieve diplomatike SHBA-Shqipëri.

linda thomas-greenfield

Sondazh

Poll

MË SHUMË