Bota

Frikë dhe tronditje në Twitter! Mesazhi shokues për punonjësit e Musk: Nis procesi i reduktimit të fuqisë punëtore

50% e punonjësve do të largohen sot.

4 Nëntor 2022, 09:13 Nga A.B
Frikë dhe tronditje në Twitter! Mesazhi shokues për
Elon Musk

SHBA- Tronditje dhe frikë në zyrat e Twitter për 7500 punonjësit. Sot nis “rrënjosja” e një pjese të madhe të fuqisë punëtore që do t’i kërkohet të largohet nga pozicioni.

"Ne do të fillojmë procesin e vështirë të reduktimit të fuqisë sonë të punës globale të premten": thuhet në një email të brendshëm nga menaxhmenti i ri i kompanisë Twitter për punonjësit, i marrë nga AFP. Kjo konfirmon dhe zërat se Musk do shkarkojë punonjësit nga puna.

Mesazhi thotë se të gjithë punonjësit do të njoftohen deri në mëngjes kur zyrat e kompanisë do të hapen, pa specifikuar se sa prej tyre do të pushohen nga puna. Menaxherëve iu ndalua të thërrisnin ekipet e tyre në takime ose të komunikonin drejtpërdrejt me stafin, tha një zyrtar i lartë në kushte anonimiteti, duke shtuar se ata ishin duke u monitoruar.

“Duket sikur po punojmë mes Gestapos”, raportojnë zyrtarët dhe punëtorët.

Siç raporton CNN , mesazhi i dërguar stafit thotë:

“Nëse pozicioni juaj nuk ndikohet, do të merrni një njoftim përmes emailit tuaj në Twitter. Nëse pozicioni juaj preket, do të merrni një njoftim me hapat e mëtejshëm përmes emailit tuaj personal."

Në email thuhet gjithashtu se "për të garantuar sigurinë" e punonjësve dhe sistemeve të Twitter, zyrat e kompanisë "do të mbyllen përkohësisht dhe kartat e punës do të pezullohen".

Email përfundon duke pranuar se do të jetë "një përvojë tepër e vështirë" për fuqinë punëtore.

Një punonjës konfirmoi se ditët e pushimit janë hequr nga kalendarët e kompanisë për pjesën tjetër të vitit.

Twitter ngriti një padi grupore ditën e djeshme kundër planit të Elon Musk, pasi punëtorët thonë se kompania po bën pushime nga puna pa njoftim të arsyeshëm, në kundërshtim me ligjin federal dhe të Kalifornisë.

elon musk shkarkohen punonjesit e twitter

Sondazh

Poll

MË SHUMË