Bota

Nuk dihet KU dhe KUR! Një pjesë e madhe e raketës kineze do të bjerë në mënyrë të pakontrolluar në Tokë

Pjesa e mbeturinave hapësinore prej 23 tonësh dhe 10-katëshe po rrotullohet si një ruletë ruse rreth Tokës dhe ndoshta do të bjerë sot ose nesër.

4 Nëntor 2022, 08:23 Nga DOSJA
Nuk dihet KU dhe KUR! Një pjesë e madhe e raketës kineze do
Raketa

KINË- Ky rast do jetë i dyti në katër vite! Mediat njoftojnë se një pjesë e madhe e raketës kineze që peshon 23 ton dhe me një lartësi sa një ndërtese 10-katëshe, pjesë e një rakete Long March 5B, po rrotullohet si ruleta ruse rreth Tokës. Ajo do të bjerë në një në mënyrë të pakontrolluar sot ose nesër dhe askush ende nuk e di saktësisht se ku do të ndodhë.

Raketa është ajo që nisi segmentin e tretë dhe të fundit të stacionit të ri hapësinor të Kinës Tiangong më 31 tetor. Ashtu si me lëshimet e mëparshme të së njëjtës raketë të rëndë, agjencia hapësinore e Kinës nuk kreu një zbritje të kontrolluar të pjesës së mbetur të raketës pasi ajo lëshoi ​​ngarkesën e saj.

Edhe pse pjesa më e madhe e raketës do të digjet në atmosferë në kohën kur të arrijë në Tokë, një pjesë e saj përfundimisht - 20% deri në 40% - pritet të bjerë mbi të, ndoshta në detin që mbulon 70% të planetit tonë.

 Vlerësohet se rreth 88% e popullsisë së botës jeton në zonat e mundshme të rënies, por ekspertët megjithatë theksuan se shanset që dikush të goditet nga "junk" i madh janë vetëm gjashtë në 10 trilion./Burimi: Protothema.gr

raketa kineze

Sondazh

Poll

MË SHUMË