Bota

Polonia arrin marrëveshje për ndërtimin e uzinës së dytë bërthamore

Ky njoftim vjen tri ditë pasi kryeministri polak, Mateusz Morawiecki, tha se kompania amerikane, Westinghouse u zgjodh për të ndërtuar uzinën e parë bërthamore të shtetit në Çozevo, në Detin Baltik.

31 Tetor 2022, 23:08 Nga I.A
Polonia arrin marrëveshje për ndërtimin e uzinës së
Uzina

POLONI- Varshava dhe Seuli kanë nënshkruar një marrëveshje bashkëpunimi që kompania jugkoreane KHNP të ndërtojë uzinën e dytë bërthamore të Polonisë. Ky njoftim vjen tri ditë pasi kryeministri polak, Mateusz Morawiecki, tha se kompania amerikane, Westinghouse u zgjodh për të ndërtuar uzinën e parë bërthamore të shtetit në Çozevo, në Detin Baltik.

Marrëveshja e 31 tetorit është midis KHNP-së dhe partnerëve nga Polonia PGE dhe ZE Pak, dhe Qeverisë polake. Kjo uzinë është paraparë të ndërtohet në Patnov.

Qeveria e Polonisë pritet të diskutojë gjatë kësaj jave sa i përket programit civil bërthamor të shtetit. Varshava për vite të tëra ka planifikuar një program, por çështjet e sigurisë energjetike kanë shtuar urgjencën e një programi civil bërthamor pas tensioneve me Rusinë lidhur me pushtimin e saj të Ukrainës. Uzina për prodhimin e rrymës nga kompania amerikane Westinghouse parashihet të nisë më 2033.

Marrë nga REL

khnp poloni mateusz morawiecki

Sondazh

Poll

MË SHUMË