Bota

Sulmoi banesën e Nancy Pelosit, autori përballet me dy akuza federale, mund të dënohet me 50 vite burg

Kjo akuzë lidhet me Nancy Pelosi, të cilën DePape i tha policisë se kishte në plan ta "mbante peng".

31 Tetor 2022, 21:40 Nga I.A
Sulmoi banesën e Nancy Pelosit, autori përballet me dy akuza federale,
David DePape

SHBA- Personi që dyshohet se ka sulmuar Paul Pelosi, bashkëshorti i kryetares së Dhomës së Përfaqësuesve, Nancy Pelosi, është akuzuar për sulm dhe tentativë rrëmbimi pas sulmit të javës së kaluar në shtëpinë e çiftit në San Francisko. CNN shkruan se 42-vjeçari David DePape, u akuzua për "tentativë për rrëmbim të një zyrtari amerikan". Kjo akuzë lidhet me Nancy Pelosi, të cilën DePape i tha policisë se kishte në plan ta "mbante peng".

Akuza për tentativë rrëmbimi mbart një maksimum prej 20 vitesh burg. DePape gjithashtu u akuzua për një akuzë për sulm ndaj një anëtari të familjes së ngushtë të një zyrtari amerikan me qëllim për t'u hakmarrë kundër zyrtarit. Kjo akuzë lidhet me një krim që dyshohet se është kryer kundër Paul Pelosit dhe mbart një dënim maksimal prej 30 vjet burg.

David DePape, 42 vjeç, akuzohet se hyri në rezidencën e familjes Pelosi në orët e para të së premtes dhe goditi Paul Pelosin, 82 vjeç. Policia nuk ka bërë të ditur një motiv për sulmin e së premtes ndaj zotit Pelosi, i cili sipas bashkëshortes së tij i është nënshtruar ndërhyrjes kirurgjikale për frakturë në kokë dhe për plagët në duar dhe në krahun e djathtë, dhe shtoi se doktorët parashikojnë një shërim të plotë.

paul pelosi nancy pelosi david depape

Sondazh

Poll

MË SHUMË