Politike

'Po më shantazhojnë'/ "Ankesa" e Ramës për mediat, Gjergj Erebara: Nëse s'u ka dhënë kurrë ndonjë favor, si u shkon në mendje...?

Gjergj Erebara zgjedh që të komentojë ankesën e Ramës se mediat po mundohen që t'i vendosin "gjobë".

30 Tetor 2022, 16:38 Nga k.m.
'Po më shantazhojnë'/ "Ankesa" e Ramës
Gjergj Erebara dhe Edi Rama

TIRANË- Gazetari i BIRN, Gjergj Erebara ka komentuar postimin e fundit të kryeministrit Edi Rama lidhur me mediat. Me anë të një postimi të bërë në rrjetet e tij sociale, Erebara zgjedh që të komentojë ankesën e Ramës se mediat po mundohen që t'i vendosin "gjobë". Ai shkruan se Rama tashmë, ka jo pak por 10 vite në pushtet, ndaj ngrihet pikëpyetja nëse është kjo hera e parë që i bëhet një kërcënim i tillë nga mediat.

"Po në rast se Rama nuk ka dhënë kurrë asnjëherë ndonjë favor të paligjshëm për “ekrane private kombëtare”, çudi si i shkon në mend këtyre ekraneve ta shantazhojnë. Në fund fare ky ka dhjetë vjet në pushtet. Do ta kishin marrë vesh prej kohësh që është i pashantazhueshëm!!!,"-shkruan Erebara. 

Reagimi i Ramës erdhi pas një interviste të një ish-efektivi policie. Klodian Xhaferri tha për Top Channel se pagat e ulëta, mos marrja e dietave dhe shpërblimeve si dhe niveli i stresit janë ndër arsyet kryesore që punonjësit e policisë sapo përfundojnë stazhin 5-vjeçar pas përfundimit të akademisë japin dorëheqjen. Fillimisht dorëheqjet masive të efektivëve për shkak të kushteve të punës u denoncuan nga gazetari Artan Hoxha dhe u përforcuan nga kryedemokrati Sali Berisha. Vetë kryeministri Edi Rama, e ciloi një 'gënjeshtër të ligë' të kreut të opozitës. Sot, Rama reagoi sërish dhe pretendoi, pa përmendur emra, se televizionet po përpiqeshin që ta sulmonin. 

gjergj erebara edi rama

Sondazh

Poll

MË SHUMË