Sport

I duhet të operohet, por arratiset nga spitali për të luajtur gjysmëfinalen: “Kthehu ose policia do të të kërkojë”

E pabesueshme ajo që ndodhi në Argjentinë. Një lojtar arratiset nga spitali për të mos humbur gjysmëfinale. Instituto, një ekip me bazë në qytetin e Kordobës dhe që luan në Primera B Nacional, divizioni i dytë i futbollit argjentinas

29 Tetor 2022, 17:55 Nga DOSJA

I duhet të operohet, por arratiset nga spitali për të luajtur

ARGJENTINË- E pabesueshme ajo që ndodhi në Argjentinë. Një lojtar arratiset nga spitali për të mos humbur gjysmëfinale. Instituto, një ekip me bazë në qytetin e Kordobës dhe që luan në Primera B Nacional, divizioni i dytë i futbollit argjentinas, përfundoi i dyti në sezonin e rregullt. Më pas ajo u kualifikua për në gjysmëfinalen e playoff-it. Skuadra që do të fitojë do të shkojë në një kategori më lart. Një takim shumë i rëndësishëm që Ezequiel Parnisari nuk ka dashur ta humbasë.

Mbrojtësi i skuadrës nga Kordoba, ditët e fundit ishte shtruar në spital dhe, siç raportojnë nga klubi, duhej t'i nënshtrohej të operohej nga apandesiti. Megjithatë, lojtari u zhduk në ditën e operacionit. Frikë? Aspak, ai kishte një takim më të rëndësishëm: duhej të stërvitej me ekipin në funksion të gjysmëfinales. Më pas lojtari u largua nga spitali për të arritur në qendrën sportive.

Në sezonin që sapo ka përfunduar, Ezequiel Parnisari zhvilloi 34 paraqitjetë gjitha si titullar dhe gjithashtu shënoi dy gola. Mbrojtësi ka humbur vetëm dy ndeshje, njëra prej të cilave për shkak të skualifikimit me kartona. Në fakt Parnisari është arratisur nga klinika ku do të operohej. Nëse ai do t'i nënshtrohej operacionit, ai do të ishte i padisponueshëm për një periudhë midis 10 dhe 20 ditësh dhe nuk do të ishte në gjendje të dilte në fushë për ndeshjen gjysmëfinale të dyfishtë kundër Defensores de Belgrano, planifikuar për 30 tetor dhe 6 nëntor.

 
 
 
 
 
View this post on Instagram
 
 
 
 
 
 
 
 
 
 
 

A post shared by Pame Andrada (@pame.andrada_)

Për të treguar historinë ishte bashkëshortja e futbollistit, Pamela Andrada. Gruaja ka shpjeguar në rrjetet sociale se çfarë bëri i shoqi, por edhe çfarë duhej të bënte që Parnisari të kthehej në spital: “Në gjithë këto vite ke bërë shumë çmenduri. Ne shumicen e rasteve nuk kam qenë asnjeherë dakord, por gjithmonë e kam mbështetur dhe shoqëruar, e urrej kur nuk i jep prioritet shëndetit por e dua për atë që bën, e di që jeton për futbollin." Më pas Pamela dha detaje se si arriti të bindte Ezequiel të kthehej në spital: “Mijëra telefonata dhe asgjë. Kështu i shkrova “Nëse nuk kthehesh në spital do të kërkojmë në polici”.

Është bërë viral postimi i Pamelës me titull “Mi loco bonito”. Burri është kthyer në spital dhe skuadra do të përpiqet të fitojë edhe pa të. Nëse Institut arrin të kalojë në finale, do të përballet me fituesin mes Gimnasia de Mendoza ose Estudiantes de Buenos Aires.

E.Ç (Dosja.al)

argjentine ezequiel parnisari

Sondazh

Poll

MË SHUMË