Bota

Marrëveshja Ukrainë-Rusi për eksportin e gruri, shefi i ndihmës i OKB-së optimist se do të zgjatet

Griffiths udhëtoi për në Moskë me zyrtaren e lartë të tregtisë së OKB-së Rebeca Grynspan në fillim të këtij muaji për diskutime me zyrtarët rusë mbi marrëveshjen, e cila synon gjithashtu të lehtësojë eksportet e grurit dhe plehrave ruse në tregjet globale.

26 Tetor 2022, 17:17 Nga d.a.
Marrëveshja Ukrainë-Rusi për eksportin e gruri, shefi i
Martin Griffiths

SHBA- Shefi i ndihmës i Kombeve të Bashkuara, Martin Griffiths tha të mërkurën se ai ishte "relativisht optimist" se një marrëveshje e ndërmjetësuar nga OKB që lejonte eksportet e grurit të Ukrainës në Detin e Zi do të zgjatej përtej mesit të nëntorit.

Sipas Reuters, Griffiths udhëtoi për në Moskë me zyrtaren e lartë të tregtisë së OKB-së Rebeca Grynspan në fillim të këtij muaji për diskutime me zyrtarët rusë mbi marrëveshjen, e cila synon gjithashtu të lehtësojë eksportet e grurit dhe plehrave ruse në tregjet globale.

Moska dhe Kievi arritën marrëveshje muajin e kaluar për rikthimin e eksporteve. Marrëveshja u arrit nën ndërmjetësimin e Turqisë dhe OKB-së dhe synon të zhbllokojë tri portet ukrainase, që janë bllokuar qëkur Rusia nisi pushtimin e Ukrainës më 24 shkurt.

Marrëveshja kërkon që një ekip ndërkombëtar, i përbërë nga zyrtarë nga Turqia, OKB-ja, Rusia dhe Ukraina të mbikëqyrin inspektimet dhe kalimin e anijeve nëpër Bosfor.

Ukraina shpreson të rrisë eksportet e saj detare në mbi 3 milion ton drithë dhe produkte të tjera bujqësore në muajt e ardhshëm.

martin griffiths marreveshja ukraine-rusi rebeca grynspan

Sondazh

Poll

MË SHUMË