Politike

Nis REPREZALJA e pedagogëve/ Pas kërcënimit të Ramës për Vetting, Tatimet kontrollojnë pagat

Që kur nisi debati dhe përplasja me pedagogëve, duket se masat janë marrë për t'i kontrolluar, të marrin në pyetje pedagogët dhe bashkë me ta të plotësojnë formularët e vetëdeklarimit, për nivelin e pagës që marrin.

19 Tetor 2022, 13:00 Nga k.m.
Nis REPREZALJA e pedagogëve/ Pas kërcënimit të Ramës
Pamje nga protesta e pedagogëve

TIRANË-Drejtoria e Tatimeve në Tiranë ka nisur një aksion për kontrollin e pagave të deklaruara të pedagogëve. Dje, kryeministri Edi Rama u shpreh se pedagogët që punojnë në privat nuk deklarojnë pagat reale, ndaj mund t’u kontrollohej pasuria. Por duket se aksionin e ka nisur që më para. Më 4 tetor, siç edhe është shënuar në dokumentin e mëposhtëm. Që kur nisi debati dhe përplasja me pedagogëve, duket se masat janë marrë për t'i kontrolluar, të marrin në pyetje pedagogët dhe bashkë me ta të plotësojnë formularët e vetëdeklarimit, për nivelin e pagës që marrin.

“Kontrolli i vetëdeklarimeve mbi nivelin e pagave, llogaritjes, mbajtjes dhe derdhjes së detyrimeve tatimore nga tatimpaguesi si dhe kontrollit në funksion të faktorëve të riskut, ky tatimpagues nga Analiza e Riskut, rezulton me pagë më të ulët se mesatarja nga sektori i Arsimit, nxjerrë nga Drejtoria e Menaxhimit të Rriskut në zbatim të Vendimit të Komitetit të Përmbushjes nr.31, datë 29.07.2022, për planin sektorial mbi kontrollin e informalitetit të pagave.”

Ky inspektim ndaj vetëdeklarimit të pagave të pedagogëve vjen në një kohë kur ata janë ngritur në protesta në disa universitete të vendit, për rritjen e pagave. Po ashtu, inspektorët udhëzohen që menjëherë pas deklarimeve të pedagogëve mbi pagën, të bëhet dhe verifikim i arkës së parave në Universitete. Ndërkohë që sot, Rama tha se nuk e ka përmendur fjalën "Vetting".

vettingu i pedagogeve drejtoria e tatimeve në tiranë tiranë

Sondazh

Poll

MË SHUMË