Aktualitet

Sherr me thika në Zvicër, vritet 18-vjeçari shqiptar, banorët: Ishte fëmijë i vetëm

18-vjeçari shqiptar është nisur drejt spitalit, por ka ndërruar jetë atje. Banorët e lagjes thonë se ndihma mjekësore i është afruar me vonesë të riut.

17 Tetor 2022, 20:18 Nga F.M
Sherr me thika në Zvicër, vritet 18-vjeçari shqiptar,
Vendi ku ndodhi vrasja në Zvicër

ZVICËR- Një 18-vjeçar shqiptar është qëlluar për vdekje me thikë në Zvicër. Ngjarja e rëndë raportohet të ketë ndodhur në Sirnach pas një sherri. Mediat lokale shkruajnë se autori i kësaj vrasjeje është një 15-vjeçar nga Zvicra. Dy të rinjtë janë përleshur mbrëmjen e të dielës, sherr që ka përfunduar me përdorimin e thikës.

18-vjeçari shqiptar është nisur drejt spitalit, por ka ndërruar jetë. Banorët e lagjes thonë se ndihma mjekësore i është afruar me vonesë të riut.

 “Më tremb sidomos kur mendoj për fëmijët e mi,”- thotë një banore.

“Ndodhi pikërisht këtu. Ai ishte plagosur rëndë dhe po bërtiste për ndihmë. Njerëzit rreth tij thanë se autori ishte larguar dhe se policia po vinte,”- thotë një banor tjetër.

 “Dëgjuam disa herë britma dhe pyetëm veten se çfarë po ndodhte atje. Kur disa makina policie u shfaqën, ne e dinim se kishte ndodhur diçka e keqe. Dritat e urgjencës ishin të ndezura,”- vijon një tjetër grua.

Ende nuk dihet identiteti i viktimës apo autorit, por një burrë i zonës tha se 18-vjeçari ishte fëmijë i vetëm.

“Ai është shqiptar dhe jeton vetëm me nënën e tij”, thotë Sirnacher.

vritet shqiptari ne zvicer zvicer

Sondazh

Poll

MË SHUMË