Politike

Salianji dhe Paloka, të dy në Rwanda! Ç'i bëri bashkë dy demokratët? Mesazhi nga rrugët e Kigalisë për shqiptarët

Paloka po merr pjesë në punimet e Asamblesë së 145 të Unionit Ndërparlamentar në Kigali, Ruanda.

11 Tetor 2022, 18:33 Nga A.B
Salianji dhe Paloka, të dy në Rwanda! Ç'i bëri
Edi Paloka

RWANDA- Deputeti i Partisë Demokratike Ervin Salianji ndau ditën e sotme një video nga Ruanda. Nuk kaloi shumë dhe po ashtu, Kryetari i Këshillit Kombëtar të PD-së, Edi Paloka, postoi një foto në 'Facebook' nga ky vend. Paloka bën të ditur se po merr pjesë në punimet e Asamblesë së 145 të Unionit Ndërparlamentar në Kigali, Ruanda.

Ai ka theksuar se çështjet kryesore që po diskutohen në Asamblenë e Unionit Ndërparlamentar janë dënimi i agresionit rus në Ukrainë, ku prezente janë delegacionet respektive të dy shteteve, si dhe ftesën që iu bë SHBA-së për t'u rikthyer anëtare e IPU, si garanci që ky organizëm i rëndësishëm i parlamentarizmit nuk do të rrezikojë të kontrollohet nga vende jo demokratike!

"Sot ne Kigali , Ruanda filloi punimet Asamblea e 145 e Unionit Nderparlamentar. Asamblea u pershendet dhe nga Sekretari i Pergjitheshem i OKB Antonio Guterres si dhe nga Presidenti i Ruandes Paul Kagame. Ruanda e cila ende ka te fresket luften civile dhe genocidin (gati 800 mije te vrare ne vetem 100 dite) eshte bere mikepritese e kesaj Asambleje ku nje nga ceshtjet kryesore do te jete lufta ne Ukraine dhe denimi i agresionit rus. Delegacionet e Ukraines dhe Rusise jane te pranishem. Nderkaq ne takimin e grupit 12+ (grupi i vendeve evropiane) rame dakord te mbeshtesim ftesen qe ju eshte bere Shteteve te Bashkuara te Amerikes nga grupi yne, per tu rikthyer antare e IPU si garanci qe ky organizem i rendesishem i parlamentarizmit nuk do te rrezikoje te kontrollohet nga vende jo demokratike!", shkruan Paloka në Facebook.  

Mbase edhe Salianji është i ftuar të marrë pjesë në këtë Asamble, mirëpo e pa të arsyeshme të ndante fillimisht një mesazh për shqiptarët që mund të depërtohen atje. 

Ruanda është përfolur se do të jetë vendi i cili do të strehojë personat që kërkojnë azil në Britani. Qeveria e Britanisë së Madhe ka bërë një marrëveshje me Rwanda-n që të dërgojë në vendin e Afrikës Lindore, një numër azilkërkuesish. Ky hap i ndërmarrë nga qeveria është kundërshtuar nga disa politikanë dhe grupet e refugjatëve të cilët e kanë cilësuar si jonjerëzore, jo efektive dhe humbje të parave publike. Sipas këtij plani, refugjatët që do të mbërrijnë në Britani të Madhe me kamionë apo me varka përmes Kanalit Anglez, do të merren nga qeveria e Britanisë së Madhe dhe do të dërgohen 6,400 kilometra larg për në Ruanda, një herë e mirë. Një pjesë e mirë e personave që mbërrijnë me varka janë shqiptarë. 

edi paloka ervin salianji ruanda

Sondazh

Poll

MË SHUMË